بعد تخرجي من الجامعه كنت متامله القى شغل براتب حلو لاني من 2008 اشتغل بالمصانع براتب 3000 تخرجت تعرضت لمشاكل تطلقت اطريت ادخل اي وظيفه اسدد الديون الي علي اشتغلت بمحل اواني قريب من البديعه مول ومعروف عل شارع المدينه اول ماقدمت زبد لي مدير الفرع مصري الجنسيه بعد ماقرى السيفي حقي الدورات والخبرات ومؤهلي قال مافي الا بائعه ولكن مستقبلا راح يكون هناك ترقيات وزيادات راتب وبسبب الحاجه رضيت قلت بماانها قريبه من بيتي ان شالله راح تتحسن مع الوقت اشتغلت عندهم شهرين صار يوكل لنا مهام مو مهامنا انظافة والترتيب مع العلم ان المعرض كبير والسعوديات الي فيه 4ثنتين كاشير وثنتين بائعات والاجانب 6اثنين مسؤلين ترتيب واثنين نظافه واثنين مشرفين الفتره الاخيره صار المدير يستفزنا ويطلب منا مهام مو مهامنا التنظيف الشيل اغراض المحل ثقيله مع وجود عمال مختصين لتنظيف والترتيب اول شهر اشتغلت فيه كان فيه شباب سعوديين حاربهم نفسيا واحد اجبروه على الاستقاله والثاني قعد يستفزه ويضغطه نفسيا الى ان استقال والحين انا مو عارفه كيف اتصرف معاه لانه يتدخل ويسال عن خصوصيتنا الي ماتستجيب له يتعامل معها ها التعامل انا جدا محتاجه لراتب الراتب 3000 مايصفى لي منه غير 200 ريال فقط الباقي اسدد فيها ديوني

اختي بلغي علية وزارة العمل . وقولي لهم بس يطفشني من العمل وصدقيني راح يتادب ويكون عبره لغيره واحتمال يخرجوه من البلد لأن عندنا في جدة مدراء اجانب تم ايقاف خدماتهم وخرجوهم من البلد .

صوري صور استفزازه او سجلي عليه و بلغي وزارة العمل عليه

الله المستعان.
فوق ماهو عمل مختلط وغير مناسب لبنات المسلمين مضايقات وتطفيش.

التسجيل الصوتي وتسجيل الفيديو بدون الحصول على إذن من النيابة العامة أو المحكمة يعتبر جريمة معلوماتية حسب نظام جرائم المعلوماتية الصادر عن هيئة الإتصالات وتقنية المعلومات.

مثلي انا موظفة بمحل حلويات مشهور بالمنصورة طريق البطحاء وعندنا نائب مدير يماني كانت معاملته عادية لكن لما عرف اني بترقى جلس يدبر مؤامرات ضدي بالتعاون مع موظفة معنا وعدها تترقى بعد ما اطلع وفعلا نجحوا في تلبيسي تهمة التراخي بالعمل وعدم الانتظام مع العلم قسم بالله اني مهتمة حدا ولا يوم غبت وبعد الضغوط من ضمنها النقل الى فرع بعيد عن من لي ومع صعوبة الم اثلات اضطريت استقيل والان ماجاتني حقوقي حسبي الله عليهم

انا مثلك وكان مكرهني عيشتي
لين جا ذاك اليوم صورته فديو وهو يسب الموضفين الثانين وبطريقه عنصريه قذره
والى اليوم وانا اسوقه سوق واكلمه من طرف خشمي
وتادب
الخوف من الاجانب يخليهم يتمادون والتسليك ماينفع معهم
كل يوم يبي يحسس نفسه انه شي كبير مرررض الي ماشاف خير في ديرته

خوفك على رزقك ماهو عذر
صوريه

هذا هو الحال

والله يا اختنا

ما انصح إلا حبيبتي واختنا

انتي جامعية قدمي الاستقاله وانتهينا ء

الوضايف الحين بعد ترحيل الوافدين على قفاء من يشيل باخذ بيدك وقدميها ولا عليك

الامراة اليوم تسوق يعني راتب ابو 7500 يعيشك ملكة وسيارة اقساط اخر موديل من ابو جميل ولا العيسى ولا كبري راسك الين تتعلمين واشتري صيني

هم صعبين الحقيقه بس لا تكثرين معه انتي جامعية وتاكلينه هواء جيتي للعمل
العني ابو جده ابو مصير في بلدنا ويضايقنا

واذا شفتيه انزلي وامسحي جزمتك
ولا تكلمينه
اقلك لا خلقك ولا يقدر يقلل من قيمتك قدمي استقاله وراسك فوق يالسعودي