انا موظفه من 6 يناير اول ماكملت 3 شهور لي اصلا زياده بدل عجز وبدل مقابله جمهور لكنها غير مذكوره بالعقد لكن بعد 3 اشهر يرفع مدير قسمي خطاب بالزياده 800 ريال فوق راتبي طالبت فيها من اول كملت 3 شهور ومدير القسم يماطل الراتب الرابع ماخذت الزياده و28 ابريل بعد الراتب رجعت وطالبت قال خلاص رفعت الخطاب وكتبت زياده باثر رجعي كلمته قبل كم يوم قلت خلاص بقدم استقالتي وقعها وقعها لي وثم نصحني اخذ الراتب واستقيل بعده عشان مايقولون تبين ماتداومين شهرين الانذار تنازلي عن الراتب قلت بصبر اليوم راجعت الاتش ار اليوم قالو ماوصلنا اي خطاب من مدير قسمك !!!!! قلت وشهر 4 و5 ماتتعوض لي ؟ قالت مافي مجال الحين انرفعت الرواتب !! وش الحل الحين انسدت نفسي مره ودي ابكي شي محبط بكالوريوس ودبلوم وشهادات غير الكرف اللي اكرفه بذا المستشفى ولايصفى لي الا 3630 بعد خصم التامينات هذا اذا ماتنتف من الخصميات لو هالراتب بمكان اريح شوي ماهمني لكن جدا ضغط عمل ماعاد بصبر اطالبهم ولا اقدم استقالتي بعد الراتب ؟ وهل لو غبت لين يفصلوني من التامينات تروح حقوق التامينات ال370 اللي يخصمونها من راتبي كل شهر ولي الان 5 شهور وممكن يكون في مستحقات اجازه عن الاشهر الي داومتها ممكن تروح اذا ماعاد داومت لين الفصل
اختي هي موظفه بذا المستشفى وهي اللي دلتني عليه وكرهتها بغضتها جابتني لهالمكان وهي تعرف عن المشاكل اللي فيه وتعرف كل الاوضاع والظلم
هل اقدم استقاله بعد الراتب مباشره على الاحد واداوم شهرين انذار بدون الزياده ولااطالب بالزياده واستقيل وهل ينزلون لي زياده وانا بستقيل ولايقولون ذي مب قاعده مالها زياده ؟
ولااغيب اغيب لين يفصلوني ولاتروح حقوقي ؟ ولااطلب ينقلون قسم ثاني ؟ اذا نقلوني الماليه مثلا نفس الراتب 3630 بعد خصم التامينات لان مافي بدل عجز ومقابله جمهور واطلع لي بخبره افضل من الاستقبال ؟
الحين بالاستقبال عندهم نقص موظفات وعادي يخلوني موظفه وحده وقدامي 50 واحد عادي تصير