بالنسبة للبصمة على بعض النماذج، لزم ابصمها عندهم؟

السلام عليكم ورحمة الله وبركاته
اخواني محتاج مساعدة
انا قدمت على 10 وظائف في موقع تجنيد وقالو لي تم ترشيحك اوليا ولازم اكمل بياناتي واحجز موعد
كملت بياناتي بالموقع باقي احجز موعد

واخطط ان شاء الله اروح لمركز التجنيد بالخرج من اجل حجز موعد
س1 للي راحو وحجزوا مقابله (( ماهي الأوراق والمستندات المطلوبه؟؟؟)))
س 2 كاتبين في حالة أكتفاء المركز القريب منك الرجاء اختيار مركز اخر (( هل يعني انه فيه (أمل) اراجعهم ؟
وتمشي اموري بأذن الله

س 3 انا مقدم على 10 وظائف (أريد) إثنين منها مراسل بريد واحد بالدفاع الجوي والثانية بالقوات المسلحة
كيف اسعى واختار او احجز موعد مقابله للوظيفتين فقط ؟ وإين المكان المخصص

والله يجزاكم خير شاكر لكم حسن قراءتكم

واخطط ان شاء الله اروح لمركز التجنيد بالخرج من اجل حجز موعد
الحجز عن طريق الموقع "اضغط هنا لحجز او تعديل موعد المقابلة الشخصية."
س1 للي راحو وحجزوا مقابله (( ماهي الأوراق والمستندات المطلوبه؟؟؟)))
في نفس الصفحه تحصل كل الوثائق المطلوبه"الوثائق المطلوبة" لزم تطبعها ملون كلها
س 2 كاتبين في حالة أكتفاء المركز القريب منك الرجاء اختيار مركز اخر (( هل يعني انه فيه (أمل) اراجعهم ؟
وتمشي اموري بأذن الله
عادي عندك حق الظهران فاضين لو اقولهم بكرا اجي يقلون حياك لكن خلص اوراقك اول باول
الاحوال لزم تروح لهم بأقرب وقت لنهم بيعطونك موعد فرع قالي تعال بعد اسبوع ورحت للفرع الرئيسي وقال تعال بعد يومين طبعا هذي تعتمد على نفسية الموظف و كل ما تتاخر مو من صالحك لن ما فيه مواعيد بالشهر الجاي
وفيه اوراق تختمها عند العمدة والشرطة ( بالضبط عند مدير المركز لا تسال على طول روح لمكتبة)

س 3 انا مقدم على 10 وظائف (أريد) إثنين منها مراسل بريد واحد بالدفاع الجوي والثانية بالقوات المسلحة
كيف اسعى واختار او احجز موعد مقابله للوظيفتين فقط ؟ وإين المكان المخصص

إذا مقدم عن طريق وزارة الدفاع الموحد هم يعلومنك لما تروح للمقابلة ايش الوظيفة

الحمدلله اليوم كان موعدي في التجنيد،

واحد من الشباب اللي بتبوك، افادني بان لزم اخذ معي ثلاث صور من كل الاوراق المطلوبه و4 صور من بطاقة الاحوال. (بس ممكن هذي بمركزهم

رحت "مركز تجنيد القوات المسلحة بالوسطى / الخرج" وما طلبوا الا فقط صوره من بطاقة الاحوال لحجز رقم+ تشيك على الوظيفة والموعد.

الاوراق اللي اخذوها مني فقط هي:
*. المرفقات الطلوبه كامله (تحصلها لما تدخل على ملفك بوزارة الدفاع)،
*. وصورة من المؤهل المقدم عليه فقط و الاصل خله معك في حالة يطلبه منك.
*. واختبار كفايات إذا متوفر عندك
*. وصورة بطاقة الاحوال للمعرفين ولزم يكونون عساكر ( كنت حط واحد عسكري والثاني مدني وقام مسح المدني) وقالي الموظف اي احد تعرفه لو من اصحابك وقلت لا بصراحه لن بيقول تعال بكرا او جب لي صورة من بطاقته

وملف اخضر علاقي إذا تبي او هم يعطونك ماتفرق بس ممكن تختلف الفروع الثانية

اللبس مره عادي بدلة او ثوب او ثوب وطاقية او الزي كامل اللي يريحك ( بس كانوا يدققون على اللي حاطين عصمة)

تدخل وتاخذ رقم وتنتظر ينادون بالاسامي (بس ماشين بالارقام ماحد يسبق احد)
بعدها تروح عند واحد يدقق على اوراقك،
بعدين تروح تأخذ الوزن والطول (إذا عديت يقولك انتظر المقابلة وكان فيه شخص او شخصين بسبب الوزن مره نحيفين )
وبعدها مقابلة بسيطه وين درست وين محافظة الاسياح -> لني كاتبها في نشائة الوالد والوالده.
وبعدها موعد للكشف الطبي،

وبكرا بإذن الله موعدي للكشف الطبي، ويأخوان روحوا بدري فيه ناس دخلوا الساعه 12 الظهر بالغصب والله.



والجوال خلوه بالسياره ماريح تدخل فيه مره،

ياشباب هل معلومات شهادة الابتدائية ضرورية والا اقدر اتركها فاضية تورطت فيها