سؤااااااااااااااال ياليت تجاوبوني عليه

ينفع تروح تقدم وحدة عن شخصين؟؟

يعني لو تاخذ اختي ملفي وتروح بملفين ينفع؟؟؟؟
ارجو الرد عااااااااجلا ..
ومشكورين مقدما..

ما أتوقع يقلون شيء لأنهم باخذون الأوراق ولا يجلسون يسألون من انتي ولا شيء فاضين البنات مره كثيرين بالنسبة لعدد الوظائف وهم راح يسألونك إذا كنت تبغين أوراقك لأي وظيفة ثانية غير وزارة الخارجية أنا رحت قدمت بس ماني متحمسة لهم لأني عندي قناعة إذا ما خذوني بيجيني شيء أحسن منهم بمية مره ما أدري ليش وظائف ورواتب الرجال اللي نفس مؤهلاتنا أعلى منا وأكثر منا في الوزارات والمستشفيات مهما كان معدله أو تقديره وأحنا أنواع الفلسفة ولا بعد رواتبنا أقل منهم ولا يشغلونا على بنود

طيب بنات ماقالو بيدخلون كل الي قدمو اختبار تحريري زي الي صار بجامعة البنات او بينزلون اسماء اول بعدين اختبار ومتى تتوقعون

بيصير فيه مفاضلة ..
وبعد العيد بيعلنون مين اختاروا بشكل مبدئي ..
بعدين هاللي اختاروهم بيسوون لهم اختبارات .

طيب هل فيه مقابله او شي يعني نفسخ عبياتنا ولا بس ياخذون الاوراق ونطلع
وهل التقدير لازم جيد اقل شي ؟يعني يردون اللي اقل

^^^
بس ياخذون الاوراق ..ولازم التقدير ما يقل عن جيد.

مرحبا بنات..
انا لي تجربة سابقة في التقديم على وظايف وزارة الخارجية واتمنى اقدر افيدكم
بعد التقديم المبدئي ترشحنا للاختبار وكان في معهد الادارة الاختبار جداااا طوووووويل اتذكر حوالي 5 ساعات بس اخذنا بينهم بريك صلاه(صلاة المغرب ) وكان 3 اجزاء الاول اسئلة عامة وسؤال اكتبي عن رؤيتك الخاصة لمستقبل عمل المرأه في الخارجية او شي من هذا القبيل ما اتذكر بالضبط والثاني انجليش والثالث كان في مجال التخصص.
عدينا الاختبار وترشحنا للمقابلة كانت ايضا في معهد الادارة بس للاسف ما اعتقد اني عديتها لانهم ما اتصلوا فيني بعدها.
بصراحة الاختبار ما اتذكر اسئلته لكن اللي اتذكره انها ماكانت صعبة كثير معقولة والمقابلة ايضا كانت دردشة عن مواضيع سياسية واحداث حالية مهمة وسألوني عن قرى ومناطق في المملكة وين موقعها وطبعا ماعرفت اجاوب
ولفت نظري وقتها انهم يسألون كثير اسئلة شخصية زي تسافرين كثير؟ وسألوني عن زوجي وعمله وبس هذا اللي اتذكره والله يوفق الجميع

الله يعطيك العافيه