السلام عليكم

انا حاب افتح مشروع صغير عباره عن محل ديكورات (جبس بورد و جبس مغربي ...)
العامل موجود عندي (المعلم) وعنده خبره مغربي واول مره يجي السعوديه
ارجو افادتي كم تكلفة المشروع اذا اجار المحل 20 الف الى 30 سنويا ، وايش المواد اللي احتاجها في البدايه ، للعلم اني ارغب بجلب المعلم ومعه عاملين يساعدونه ،
اللي يعرف ايضا وش الشروط لفتح المحل تقريبا يخبرني بها.



ارجو منكم الفزعه والمشوره الزينه واستقبل نصائحكم .

وعليكم السلام اخوي

بنسبه لفتح المحل الاجرات سهله جدا تستاجر المحل الي تبيه وتنفذ اشتراطات البلديه الي هي تقريبا تركيب الكامريات بالمحل

وتركيب اللوحه و تستوفي اشتراطات الدفاع المدني عشان يطلعون لك شهاده ( موسسات مختصه بهشي )بعد كذا تصور المحل وتصور شهادة الكفاه حق الكاميرات وشهادة كفاة طفايات الحريق وترفقها بموقع بلدتي وتطلعلك رخصه البلديه وتقدر تمارس نشاطك بكل اريحيه

اتمنى اني فدتك اخوي ترا خبرتي بسيطه ان شاء الله اصحاب الخبرات يفيدونك اكثر

الله يعطيك العافيه ماقصرت . انتظر اصحاب الخبره في هذا المجال يفيدوني اكثر

السلام عليكم
بالنسبة للجبس تحتاج مواد اولية العامل يعرفها
1 الجبس والمواد المثبتة شبك او خيش الي يفيدك به العامل وخبرته في اي مواد تثبيت يرتاح لها.
2 قوالب سيليكون,السيلكون تشتريه من الشركات براميل مثل الصبغ ونقوش على الخشب تصممها او تاخذها جاهزة او تفصلها من محلات النجارة cnc.