السلام عليكم ورحمة الله وبركاتة
أخواني في البداية خليني أوضح لكم الفرصة الموجودة حاليا في التقنية وخصوصا في تطبيقات الجوال وبالأخص تطبيقات الطلبات من المتاجر.. في جميع الدول حاليا هذي ثورة تقنية راح تغير مفهوم كيف نطلب أي شيء من المتاجر ..
اعطيكم مثال بسيط: في امريكا عام 2017 السوق كان 3 مليار دولار .. تم عمل دراسة وأكتشفوا أنه راح يوصل الى 16 مليار دولار خلال 4 سنوات فقط! ملاحظ الفرق؟
https://www.restaurantdive.com/news/...t-says/548741/

طبعا هذي في أمريكا فقط وفي توصيل الطعام فقط!! .. حاليا يوجد في أمريكا على الأقل أكثر من 9 شركات توصيل طعام على الأقل وكل ستارت اب أضخم من الثاني ومحصل إستثمارات بالملايين رغم المنافسة الشرسة https://www.digitaltrends.com/home/b...delivery-apps/

فيه دراسات تقول أن السوق المحلي الأن في السعودية حاليا راح ينمو بشكل أسرع من السوق الأمريكي رغم قلة المنافسة بعدم وجود سوى شركتين أو ثلاثة فقط مقارنة بالسوق الأمريكي.

طبعا كلكم تعرفون مرسول .. قبل شهر حصلوا على إستثمار بمبلغ عالي جدا من أكثر من شركة استثمار (أكثر من 10 ملايين ريال) رغم إن مرسول ماله كم سنة في السوق ورغم وجود تذمر عالي في شبكات التواصل من خدمتهم وارتفاع سعر التوصيل.
حاليا كرأي شخصي لا يوجد منافس حقيقي في السوق لتطبيق مرسول.. مستحوذ على السوق كله ( 1 مليار ريال سعر معاملاتهم في سنة واحدة فقط من العملاء) ..
أنا قبل سنة لاحظت هذي الفرصة وبدأت أشتغل على تطبيق بنفس فكرة مرسول .. رغم التعب والجهد لكن الحمد لله من شهر أنجزته وحاليا أقدر أقول إني وصلت إلى نسخة أولية كويسة شبه جاهزة للإطلاق .. طبعا ما خلصنا والمشوار أمامنا طويل .. لكن أقدر أقول الصعب عدى إن شاء الله والباقي تعديلات وتحسينات بسيطة فقط .
لكن بعد التفكير قررت أني ما أطلق التطبيق بسبب عدم الإستعداد الكافي .. لأن السوق فيه منافس موجود فتحتاج تسويق نوعا ما كبير خصوصا في البداية على الأقل وهذي تحتاج دعم مادي وخبرة تسويقية كبيرة في البداية.
حقيقة حاليا أنا ماعندي لادعم مادي ولا خبرة تسوقية .. فما أبغى التعب هذا كله يفشل في الأخير بسبب إستعجال وتسرع.
الأن أنا لي شهر جالس أبحث عن شريك مؤسس عنده دعم مادي وخبرة تسويقية وممكن يدير المشروع بالشكل المناسب ولم أجد بتاتا .. حاليا إنشغلت في أمور ثانية وتركته والوقت جالس يضيع.
كتبت هذا الإعلان لعل وعسى أني أحصل الشخص المناسب لهالمشروع.
المطلوب هو أحد الأمرين:

1- شخص يكون شريك مؤسس عنده الخبرة الكافية في إدارة المشاريع و التسويق والدعم الكافي ( على الأقل في البداية) و الحماس للشغل على المشروع.
يأخذ نسبة 50% مع ضمان لمدة سنة بعدم السحب على المشروع.

2- شخص مستعد يشتري هذا المشروع كاملا بالسورس كود بكل شيء ويتملك كامل الصلاحيات فيه مع ضمان قانوني.
وإذا يحتاج أي تعديلات أول شهر بتكون مجانية وبعدها مستعد أشتغل معاه على المشروع كفريلانسر.

إذا تشوف عندك الخبرة والإستعداد الكافي أو العرض المناسب تواصل معي على الخاص.
وإذا تعرف أحد مهتم خليه يتواصل معي.
ملاحظة: فيه اهتمام من كم شخص خارج الموقع في التطبيق فلذلك هذا الإعلان بخليه لفترة بسيطة وأحذفه لأني لازم أخذ قرار بشكل مستعجل صراحة.

معلومات عامة عن التطبيق:
اسم التطبيق :
واصل

فكرة التطبيق :
منصة بين العملاء والمناديب حيث يطلب العميل من أي متجر ويتم توصيل الطلب له من قبل المندوب بعمولة.

على أي منصة يعمل التطبيق :
التطبيق جاهز للعمل على أجهزة الأيفون والأندرويد

يوجد ملف قوقل درايف أكثر من 30 صفحة يحتوي على معلومات أشمل عن المشروع والتطبيق وشرح كيفية استخدام التطبيق بإمكان الشخص المهتم الإستزادة منه

https://docs.google.com/document/d/1...it?usp=sharing





هل أستطيع تجربة التطبيق؟
نعم
بالإمكان تجربة التطبيق من المتصفح من خلال هذا الرابط
https://appwasel.com/app
أو بالإمكان تحميله على الأندرويد من خلال هذا الرابط
https://appwasel.com/wasel.apk

معلومات الحساب التجريبي:
لتجربة حساب عميل أدخل هذه المعلومات:
Email: m@m.com
Password: test
لتجربة حساب مندوب أدخل هذه المعلومات:
Email: k@k.com
Password: test

وبإمكانك أيضا إنشاء حساب جديد إذا بغيت.

اذا مهتم او تعرف احد مهتم تواصل معاي ..
واذا عندكم اي استفسارات او اقتراحات حياكم الله

ما ابفا احبطك بس ما اعتقد راح تلقى مستثمر يقبل بنسبة 50% انا اقل ليش. لان المستثمر يقدر بفلوسه يروح لشركة برمجة تبرمجه له مقابل مبلغ محدد ويضمن نسبة 100% من التطبيق له




نصيحتي لك لو تقدر تبدا انت بنفسك في التطبيق والتسويق ادري انو ماعندك ميزانيه لاكن لو تبدا مثلا في مدينة وحده لنفترض مكه تبدا تسوق التطبيق فقط في مكه الين ما ينتشر في مكه وبعد كذا تبدا في مدينة ثانيه وهكذا

في النهاية اتمنى لك التوفيق وان شاء الله نشوفك من كبار رجال الاعمال

التسويق هو سبب نجاح اي تطبيق. بدون فريق او شريك نشيط في مجال الاعلانات صعب ينجح العمل.
والاعلانات تاكل فلوس والشغل يحتاج تسويق مستمر، جهد ورواتب.

افضل شريك لك هو وكالات التسويق الرقمي، وموجود شركات مأسسينها شباب سعوديين، اغلب شغلهم ادارة حسابات تواصل اجتماعي وتصاميم وتسويق فعاليات، تواصل معهم واتفقوا على نسبة، دورهم تمويل معقول وحملات اعلانية ودورك تقني. وعسى الله يوفقك.

كفكرة ممتازه، ولكن أهم سؤال وش يخلي العميل يخلي التطبيقات الأخرى ويجي لتطبيقكك، بمعنى أخر وش يميز تطبيقك عن التطبيقات الأخرى؟

السلام عليكم

الله يعطيك العافية على مجهودك وربي يرزقك و يرزق الجميع

شيء بدأت فية لازم تنهية على خير ان شاء الله لا تفكر ببيع التبيق او غيرة تمسك بالشغف الموجود لديك

عندي كم تعليق ان شاء بيفيدك و بيفيد الجميع

قطاع توصيل الطلبات هو قطاع لوجستي بحت و تركيز ربحة في الجوتسكس ومثل ما تفضلت فية عدد لا بأس بة من الشركات في هذا القطاع و التنافس فية شرس جدا

بعطيك شوي من النصائح الي اشوفها ملائمة

أولا أعمل على تطبيق اولي للتطبيق يعني مثلا أمسك حي واحد و أشتغل علية اما ان تكون لوحدك او تعاقد مع مندوب و اجلب الزباين في الحي عن طريق التحدث المباشر معهم ( بالعادة فيه احياء يكون عندهم واحد عندة واتساب و يجمع أسر الاحياء فية ) سولك اعلان عندهم و اذكر لهم انها فكرة جديدة و بعد مايستخدمونة راسلهم وشف ايش المشاكل و الحلول الي واجهتهم و انتقل الى حي اخر وهكذا و راح تبداء تعدل في كثير من الاشياء و اغلبها ممكن تكون في اليوزر اكبيرينس ( خبرة المستخم للوصول ) او الواجهات و غيرها

اذا حققت نتائج مرضية ان شاء الله ينقصك اهم شيء الي هو التسويق وهذي اهم خطوة و تختاج راس مال كبير من وجة نظري خل لك 30% و شريك مؤسسس 30% و بيع 40% على شكل أسهم بتلقى ناس كثير بس لازم تعرض عليهم الفكرة و تقنعهم بتحصل دعم منهم و ابداء بالتسويق.

ممكن مع الكلام نشوف انة شيء صعب لكن مع الجد و المثابرة و المتابعة بتنجح ان شاء الله

و اذا بغيت مستثمر راسلني لكن بعد ما تجرب و تحصل على معلومات

السلام عليكم ورحمة الله
بخصوص مشروع التطبيق هل مازال العرض قائم ؟ هل هناك مستجدات في المشروع ؟ هل مستعد للشراكة مع مستثمر ؟
باذن الله نستطيع توفير مستثمر ولكن بعد الاتفاق على مجمل الامور
والله يوفقنا وياك والجميع.

احتاج مبرمج مواقع في جدة

sultanmza@gmail.com

السلام عليكم

ارجو التواصل معي. عندي علاقات ممكن تخدم مشروعك.

السلام عليكم ورحمة الله وبركاتة ,,, تواصل معي ي ابو دانه 0599046956 ممكن احتاج علاقاتك قريبا