السلام عليكم ورحمة الله وبركاته

جاني عامل يمني اعرفه من 5 سنين تقريبا يشتغل في محل بنشر
ويقدرني ودايم اغير زيت عندهم ودايم سوالف معهم , المهم قال انا واثق فيك ومرتاح لك وابي انقل البنشر بأسمك وانقل كفالة العمال عليك وتفتح سجل تجاري ومن هالكلام
ولك مبلغ على كل إقامة يجددونها , انا صراحة ماعرف بالأمور هذي مرررة

وش رايكم تشوفون انها فكرة ممتازة واتوكل على الله
ولا ارفض الفكرة

افيدوني جزاكم الله خير

اخوي ابراهيم هذا يسمى تستر وفيه عقوبات قوية انت في غنى عنها مقابل مبلغ بسيط

افا , هذا التستر اللي يقولون عنه
جزاك الله خير

وعليكم السلام ورحمة الله وبركاته

أولاً هذا اسمه تستر تجاري، والدولة شغاله الأن عليه ليل نهار، وعقوباته شديدة
ثانياً لا تنسى المقابل المالي على كل عامل.

انتبة من المال الحرام هذا اسمة تستر تجاري انت دام جتك الفرصة خلك دبلماسي و لا ترفض بسرعة و خلة يعلمك عن الورشة و مداخلها و مخارجها و الموردين و الاسعار و هكذا اسحبة بالكلام و بعدها قلة أسمع الي طلبتة غير قانوني و الدولة الان متوجة و تضرب بيد من حديد ( خوفة ) و قلة أسمع باخذ الورشة و العمالة و ابيك تشغلها براتب شهري و نسبة من المبيعات عاد انت و شطارتك الي تبي و بتجيب جهاز و تسوي جرد و تعرف وش الموجود و ايش يطلع و بتحط نظام الشراء بالبطاقة و قبل كل شيء حاول تعرف كم تدخل الورشة لان المكان مهم جدا

و اذا تبي تدخل معاك شريك يتقاسم معاك المخاطر ولة خبرة ادارية راسلني ( لكن بعد الاطلاع على كافة التفاصيل )


الله يوفقك