أتشرف بالاجابه على جميع أسئلتك بخصوص الضمان الاجتماعي

باحث اجتماعي · #**5401** (**permalink**) 24-05-2012, 08:18 PM

اقتباس:

المشاركة الأصلية كتبت بواسطة تحطمت تحطيم

انا ما اعرف في مين يمشي الضمان
لكن اذا ودي ادرس في معهد او جامعه ممكن يعطوني
وممكن يعطوني في اكثر من دراسه ولا مره وبس
يعني مره ابي اتعلم لغه ومره بتعلم اداره
وهل في جهه ثانيه ممكن تساعدني
مع العلم ابوي متقاعد وراتبه لاباس لكن ابوي عنه عائله غيري ومستلزمات ثانيه ف وشالسواه

ياريت توضحي لي أختي والدك مستفيد من الضمان الاجتماعي او لا
لو ماكان مو مستفيد ياريت توضحي لنا حالته الاقتصاديه والاجتماعيه والصحيه
يعني لو عنده تقاعد أو موظف
وحالته الصحيه جيده أو لا

باحث اجتماعي · #**5402** (**permalink**) 24-05-2012, 08:23 PM

اقتباس:

المشاركة الأصلية كتبت بواسطة نوررريه

انا ابي اسجل بجامعه نايف العربيه للعلوم الامنيه وانا تبع الضمان يقدر الضمان يرسل لي توصيه لهم او لا

الضمان مايعطي توصيه لكن يعطي مشهد أنك مستفيده أو مشموله مع مستفيد يعني والدك في الضمان
وتروحي فيه لجامعة نايف فيه ولو كان
معتمدين نظام الاعفاء أكيد بيتم مساعدتك تقبلي مروري

باحث اجتماعي · #**5403** (**permalink**) 24-05-2012, 08:27 PM

اقتباس:

المشاركة الأصلية كتبت بواسطة وحده بالعالم

السلام عليكم
انا خريجة جامعه لو أدرس الدبلوم يجي مجاني

دور الضمان الاجتماعي في المنح التعليميه المجانيه
الكثير من الناس تفكيره أن الدراسه تكون على حساب الضمان الاجتماعي
يعني الضمان الاجتماعي يقوم بدفع رسوم للجامعات أو المعاهد أو أن الضمان يدعم هذي الدراسه من حسابه في
وفي الحقيقه هذي الفكره غلط مو صح
لأن المسؤول الحقيقي عن هذي المعاهد هو صندوق الفقر وهو منفصل عن الضمان الاجتماعي تماما
لكنه يعطي الأوليه في هذي المنح لأبناء وبنات مستفيدين الضمان الاجتماعي او من لهم صله بالضمان الاجتماعي
دور الضمان الاجتماعي هو فقط يشعر الجامعه أو الجهه اللي يحب يدرس فيها المتقدم بأنه من مستفيدين الضمان الاجتماعي او من أبناء المستفيدين أو من الأسر الضمانيه او من لهم علاقه في الضمان
بمشهد فيه الأسم ورقم الضمان والختم التابع لمكتب الضمان الاجتماعي
يعني الضمان الاجتماعي بعد ماتأخدي منه المشاهد ينتهي دوره
وفي هالقسم بأذن لله بنفيدكم بأجراءات كل الجامعات
وكل جامعه في موضوع مستقل
تحياتي لكم
باحث اجتماعي

غزل الحربي · #**5404** (**permalink**) 24-05-2012, 09:46 PM

باحث ابي اعرف هل الوالدة تقدر تسجل في المقطوعه والراتب الشهري 1700 ريالا هل يحق لها التقديم فيها ؟؟

ويسعدلي ردك لي

الجازية · #**5405** (**permalink**) 25-05-2012, 12:04 AM

أخوي الكريم أولاً السلام عليكم ورحمة الله وبركاتة
ثانيا يعطيك العافية على كل جهودك القيمة

ثالثاً حبيت أسأل..أنا متزوجة وزوجي مازال طالب ولايستلم مكافأة
ولكن أبوة اللي يصرف علينا

هل فية امكانية يكون لزوجي نصيب من الضمان أو المقطوعة إلا حين تخرجة

علماً بأن راتب أبوة 4000ريال وعندة اسرتة يعولها 9واحنا 2صاروا 11يصرف عليهم

ياليت ترد على

ولك جزيل الشكر..)

باحث اجتماعي · #**5406** (**permalink**) 25-05-2012, 05:55 PM

اقتباس:

المشاركة الأصلية كتبت بواسطة الجازية

أخوي الكريم أولاً السلام عليكم ورحمة الله وبركاتة
ثانيا يعطيك العافية على كل جهودك القيمة

ثالثاً حبيت أسأل..أنا متزوجة وزوجي مازال طالب ولايستلم مكافأة
ولكن أبوة اللي يصرف علينا

هل فية امكانية يكون لزوجي نصيب من الضمان أو المقطوعة إلا حين تخرجة

علماً بأن راتب أبوة 4000ريال وعندة اسرتة يعولها 9واحنا 2صاروا 11يصرف عليهم

ياليت ترد على

ولك جزيل الشكر..)

يقدر يستفيد من مساعدة الدعم التكميلي ولا علاقة له برتب والده
شروط الموافقه على صرفها
1/ أن يكون المتقدم متزوج وتجاوز سن 18 سنه
2/ أن كان موظف يجب أن لايتجاوز دخله 1725 ريال
3/ أن لايكون مستفيد من برنامج حافز المالي
4/قيمة المساعده 7525 ريال
أتمنى أن أكون أوضحت لكم شئ يفيديكم

باحث اجتماعي · #**5407** (**permalink**) 25-05-2012, 05:57 PM

اقتباس:

المشاركة الأصلية كتبت بواسطة غزل الحربي

باحث ابي اعرف هل الوالدة تقدر تسجل في المقطوعه والراتب الشهري 1700 ريالا هل يحق لها التقديم فيها ؟؟

ويسعدلي ردك لي

أكيد تقدر أختي معها لين 2000 ريال
أتمنى لها التوفيه ومزيد من الرزق والسعه فيه فالخالق كريم بعباده

برووق الروقي · #**5408** (**permalink**) 25-05-2012, 07:22 PM

السلام عليكم
اخي الفاضل زوجي كان يعمل وفصل من عمله ولا يزال يبحث عن عمل وليس لديه اي دخل مادي
سؤالي هل نستطيع ان نقدم على الضمان وايش نوع المساعدات اللي ممكن نستفيد منها

وجزاك الله خير

كلي أليمه · #**5409** (**permalink**) 25-05-2012, 11:34 PM

اقتباس:

المشاركة الأصلية كتبت بواسطة كلي أليمه

السلام عليكم
اسعد الله مساكم بالصحه والعافيه .. انا كنت بالضمان مع ابوي وكنا اربع اشخاص يوم اسقط اخوي من الضمان صرنا 3 اشخاص وقطعو الضمان عننا وقالو للوالد الله يعطيه الصحه والعافيه انه يقدم بالمساعده المقطوعه وهو قدم بعد سنه من القطع وبعد مرور سته اشهر بلغوه باتصال ان اوراقه اللي قدم فيها بالمساعده ماهي موجوده واضطر يقدم من جديد يعني مراح تجيه حقت هالسنه ..وانا ناويه اقدم على الجامعه انتساب واخذ ورقه من الضمان هل يشملني الضمان ويدفع عني الرسوم ولا مايشملني ياليت يا اخ باحث اجتماعي يعطيك العافيه تجاوبني ..

وينك مارديت علي

منحوسه دوت كوم · #**5410** (**permalink**) 26-05-2012, 01:53 AM

اقتباس:

المشاركة الأصلية كتبت بواسطة منحوسه دوت كوم

الله يعافيكم لو وحده مطلقة
يقدر أحد يأخذ المقطوعه حقتها من الضمان ؟

مع العلم انها ماسجلت فيه بس فيه ناس عندهم السجل المدني يعني يقدر أحد

يجيب أخته أو أمه يقدم بإسم المطلقةة علشان ياخذون حقها وهي ماسجلت ولا درت

هل يقدرون يستغلونها كذا ؟ وايش الاوراق المطلوبة لتقديم المقطوعه ؟

وهذي المطلقة !!هل تستطيع أسترداد المقطوعه ؟

لاتفهموني غلط ترا اختي هي المطلقه وراحت للضمان قالوا لها أنتي مقدمه على مقطوعه
كيف ؟

فهموني بنهبل الله يعافيكم

الله يعافيك اخوي مارديت علي