السلام عليكم ورحمة الله وبركاته

بخش بالموضوع بدون مقدمات

انا خسرت وظيفتي وانا رب اسره وعندي عيال اصرف عليهم وعندي راس مال فقررت افتح لي مكتب مقاولات اترزق منه

المهم فتحته وطلعت كل الاوراق النظاميه المطلوبه وقلت بالبدايه مابجيب عمال ع الكفاله بحكم اني جديد ومو ماسك شغل

حرام ادفع لهم رواتب وهم جالسي فكل ماجا شغل قلت استاجر عمال لهشغله

المشكله اني مو قادر استفيد شي من المكتب يعني حتى شغل البسيط الي اشتغله كله عن طريق معارفي وقرايبي مو عن طريق المكتب

وانا الحين بحيره اكمل بالمغامره ولا اسكر المكتب والله يعوض بالي راح علما ان خسارتي شي بسيط

ولا ودي اطيل عليكم ودي اسمع منكم للعلم كثير عرضو علي من المقاولين يشتغلون معاي ( نظام تستر ) لاكني رافض ابي اشتغل نظامي واطلع فلوس

انتظر تعليقاتكم

يامرحبا اخي الغالي الله يوفقك ويرزقك كل خير
في عقود بالباطن بحكم توك وجديد مع شركات كبيره مثل مع سابك او ارامكو لو تطلع باسمك 4 عمال او اكثر وتدخلهم عقود بالباطن مع شركات يعني انا قبل فتره بسيطه جاني طلب فنين كهرب لشغل داخل سابك وعقد لاباس طيب الساعه تقريبا" 9 ريال او حولها مدة شهرين

بس كل شيء يبي صبر ومغامره
واستمر والله يوفقك ويرزقك بكل خير
اذا تبي تواصل معي واشوف لك وابشر بالخير باذن الله

تحياتي لك

انا ماقريت اللي انت كاتبه للاخر بالنسبة للمقاولات نصيحة ابعد عنها من تجربة
اولا - مشاريع متوقفه لاجلا غير مسمى
ثانيا - لازم اذا تبي تشتغل بالمقاولات يكون عندك راس مال اما عقود الباطن خسران لانك تشتغل لغيرك وبعدين تروح تتطالب بحقك والشركة الفلانية تماطل ماتعطيك حقك اما مشاريع ارامكو والشركات الكبيرة لها شروط معقدة اول شرط عدد العمالة لديك المسجلين بالتامينات هل هو كافي لتنفيذ او لا هل لديك ملائه مالية او لا شروط كثيرة توجع الراس وبالاخير تفلتهم بالبلد وتعجز عنهم افضل مشروع سوبرماركت محل خضار وفواكة اي شي به اكل وشرب ماهو خسارة صحيح يبي راس مال ولكن دخله حليل وزوين والله يرزقك من فضله العظيم

واضف على ذلك وزارة العمل والضرائب وكل دقيقة نازل لها نظام جديد على العمالة كل عامل ينزل عليه مبلغ يكسر العظم عندي اربع عمال واول واحد كهربائي يمني فني كهرباء نزل علية مبلغ 8660 غير تجديد الاقامة والتامين وعندي عامل حداد مصري نزل عليه 9640 ريال من غير التجديد كل هذا منين ياخلاف والثالث بالطريق والرابع بعد

إذا كنت في الدمام ...فافتح لك فود ترك ... عند المنتزهات والشواطيء ...ماشاء الله لها سوق

كما أنها مدعومة من ريادة لو حبيت تقترض

بشيء إنت تحبه أو تبدع فيه مأكولات أو مشروبات

اقتراح خارج السؤال المعذرة