خذيني ليا عجبتك بس رديني

وان ما عجبتك خلاص خذيني ما ابيني

ما دام اني شفت فيك الطهر والعفه

بعيف نفسي ليا منك كرهتيني

خذيني لو اعتبر من ضمن اشيائك

وانا بحبك ولا لازم تحبيني

لا بي علاقه ولا نظرة ولا بسمة

احساسي اني بقربك بس يكفيني

ولو اني انضفت لاشيائك غصب عنك

طلي علي يا غناتي لا تخليني

تراه لا جا المصامد ما ني بهيّن

تقول كن العرب لعبه بيديني

شخصيتي من غرابتها وطيبتها

كن الزمن في تحدي بينها وبيني

خذيني الشاعر اللي ما صدق حظه

ليا قلت له وينك قال يا ويني

خذيني المبدع المتفلسف التحفه

مومن وتضحك على العالم شياطيني

شهرة شكسبير وافلاطون ونيوتن

لا قلت بيت شعر طاح من عيني

وخذيني العنصر اللي صدق متعنصر

من دور ربعي لو اقطع شراييني

وخذيني اللي ليا منه طلب يعطى

وتكفين ليا طلبتك لا ترديني

تكفين يا غايتي يا بهجة الدنيا

ابحرق قلوب ناس ما تدانيني

خذيني بكل شوق وقولي احبه

وان شككو فيك والا في ضميني

قولي سعد والله انه غالي جدّا

ويا جعل فدوه شبابي وآخر سنيني

وانا بصدق كلامك واعتنز بالله

وبقول للناس ما يعنيك يعنيني

وانا علي نذر ما ارخص جيتك

وانتي عليك نذر انك ما تخليني

قـصـيـدة / سـعـــد عـــلـــوش

يعطيك الف الف الف عااااافية اخوي وقواك الله

هنا للشعر والشعور وقفه
من التمكن والتميز
شاعر غير ومبدع دومأ
تمنياتي له بالتوفيق
وربي يسعدك ياعاطل ع النقل المميز..

شكر لك

إحساس مرهف

تقبل مني

ابدعت في انتقائها
تسلم يمينك

اسـعـدنــي مـــروووووكــم الـعــطــر جــمــيــع

قصـــيدهـ جمـــــيلهـ .......اخوي // عاطــــل الريــاض

ويعطيك ربي الف عافيه ع النقل....

والشاعر ((سعد علوش)) شاعر رائع ومتميزز ايضا

عازفة الصمت
هـلا وغـلا فـيـك
اسـعـدنـي مـرووكــ

من أحب قصائد سعد لي هالقصائده وقصيدة مها
الله يعطيك العاافية