السلام عليكم ورحمة الله وبركاته
يسعد مسائكم جميعا ويشرفني أن أكون عضوه جديده في هذا المنتدى على العموم انا حابه استفسر من ذوات الخبره او اي احد عنده رأي في هذا الموضوع بكل صراحه بخصوص وظيفه"مندوبه مبيعات ميدانيه" انا قد تدربت من قبل في هذا المجال ولكن في شركه تأمين الوظيفه الجديده مندوبه في شركه أخرى لكن متردده هل أرفض العرض خصوصا انه تم الرد النهائي ولكن ينتظرون ردي في توقيع عقد عمل علم بأن انا خريجه علوم الاداريه لي سنتين لم احصل على عمل ثابت وشكرا.

اختي مندوب او مندوبة مبيعات ميدانية بمعنى انت تروح للشركات وتقنعهم انهم يشترون ماعرضته انت وهذا تخصصها اخوانا المصريين يجيديون التسويق ولازم تحقق الهدف الي كلفوا بك فيه
انت تخصصك علوم ادارية بكالوريوس ؟ عليك بالتسجيل بموقع طاقات ومن ثم الاتجاه الى هدف للموارد البشرية اذا كنت من سكان الرياض وتقابل موظفين مستشارين توظيف وهم يبحثون لك ويبيلها وقت انا عرض علي 5 عروض وظيفية بس مالله كتب لكن هذا الطريقة الوحيد الي يبحثون لك عن فرص عمل راتبها من 5 وطالع وياسلام اذا كان لغتك ممتاز

انا اشتغلت مندوب مبيعات في شركات تسويق

بكل صراحه وظيفه ممتعه لكن مقلقه بنفس الوقت لان المطلوب من وظيفه مندوب مبيعات هي المبيعات ارقام فلوس هذا الي يهم الشركه

حتى لو هم مو تعبانين على التسويق للمنتج حقهم
القلق من المشرف الي فوقك في لك تارقت او هدف تحققه شهريا واذا ما حققته هنا يقلقونك ليه ما بعت وليه ما حققت التارقت ولازم تحقق التارقت وهذا ضغط على الموظف

مبيعات يوميه واذا ما بعت يجيك المشرف ليه ما بعت ومدري وش وحاله

اذا المنتج تبعهم معروف والتسويق من الشركه بالاعلانات تمام يكون الضغط عليك خفيف لان المنتج اصلن ماشيء وينباع



بالاخير اذا مو محتاجه ماديا ما انصحك فيها وانتظري وظائف احسن وتخصصك حلو المفروض يكون مكتبي

ودائما وظائف الي تقابل الجمهور متعبه لان يجيك المحترم ويجيك قليل الادب ويجيك المريض ويجيك الصاحي