السلام عليكم ورحمة الله وبركاته

لااروع اعضاء منتدى عرفته طوال هالسنين مااثق الا فيه


بستشيركم فماخاب من استشار ولاندم من استخار


انا سبق كتبت موضوع مشروع نقل طالبات انا الي انقل

والان محتاره بينه وبين اشتري ارض

راس مالي هو100.000ريال مااملك غيرها ومابي اضيعها لانها جات بعد سنين طويله وتعب


الارض لوباخذها بتكون بعيد عن الرياض ب20الى30كيلو يعني ممكن مايكون وصلها كهرباء وخدمات بس اكيد بمرور السنين بياصلها
ومنها حفظت فلوسي عل قولتهم الارض الابن البار


ولااستثمرها مثل باص اشتريه جديد عيشيل من10طالبات الى13 يمكن ويبي لي كم سنه لين ارجع راس ماله ويمكن وراه خير وبدال باص اجيب اثنين وهكذا
خاصه اني حرمه وبسوقه


وش رايكم انتظركم

وعليكم السلام ورحمه الله وبركاته ..
المشروعين حلوين . وال100 الف تقدري ع كلامك تاخذي الارض
وبفانك ذا الي عندك تبدي مشوار المهنه . لايحتكرك مشروع . وخليكي حره
ابداي خطوة خطوة
..
الكلام يبي له فعل وعزيمه شدي حيلك فالك التوفيق وابداي من بكرى ع الخفيف . لسوق هالحريم والاهل يعلمون الاصدقاء و الاصدقاء يعلمون اصدقائهم ..
ابداي بمشوار مشوارين وشدي حيلك بالمدارس ببدايتها محد متعاقد للحين يمكن مع سواقين
وعندك الموظفات الساعه 4 العصر بدوامهم . 11 بليل لو ماحالفك الحظ مع لمدارس

بس الارض , انتي وش الي ببالك بالمستقبل باذن الله . ؟

السلام عليكم صباح الخير
بالنسبه للارض اذا قصدك برا الرياض ثلاثين كيلو ، انا اشوف تاخذي في رماح او قبل رماح لان توقعات الرياض تكون متصله برماح في السنوات القادمه.
مو شرط سكن مستقبلا ، ممكن استثمار و بيع مستقبلا بزيادة سعر المتر.

بالنسبه للفان ، حاليا انتي عارفه ان القياده مسموحه للنساء مقابل الباصات النقل كثيره بكل لفه نشوف لوحه نقل طالبات و مدرسات.
ممكن تكوني مميزة عنهم فمثلا :
ظ،. السائقة بنت وبيكون اكيد اللي معاك أكثر راحة و امان.
ظ¢. الفان يفضل يكون متوسط النظافه اذا مو وكاله. واهم شي مكيف يصل كل المقاعد.
ظ£. التوقيت منااسب جدا حيث توصلي الجميع بالتوقيت المناسب.
ظ¤. الافضل انك تركزي على حي واحد او بالكثير ظ¢ حي متجاورين ، لاتتفقي مع راكبات شرق الرياض و راكبات غرب ! او حتى اول الشرق و نهاية الشرق كذا تتعبي نفسك + الركاب اللي معك.


رأي اختي الكريمه :
تستثمري المبلغ في ارض ، واذا مالقيتي سعر مناسب للأرض -
في مشاريع جدا جميله وبأذن الله يكون مردود كبير لك بس بعد الصبر
فمثلا شراء فود ترك وتجهيزة و انتي توقفي عليه ، وفي اماكن بالرياض عليها ذروة و الدخل يوميا بين خمس مائة ريال الى ستة مائة ريال بالايام العاديه و الويكند يصل الف ريال.
قيمة فود ترك مايكلف ثمانون الف مع التجهيز الداخلي وهو عباره عن فان و مجهز بمطبخ تخضيري داخل.
( ميزته انك توفري بنزين بالمشاوير لتوصيل الطالبات + زحمة الشوارع + عملك بيكون في الفود ترك واقفه بمكان و من المغرب حتى الساعه اثنى عشر مثلا )
ولو مانجح لاسمح الله بعد تجربة شهرين مثلا ، تقدري تحوليه الى باص نقل بسهوله - لكن افضل الفود ترك.


واي استفسار اخر انا جاهز.

هو فعلا . مشكلة القرض التزام فوق التزام . يعني تكون بشي وتصير بشي
الواقع يقولك تفائل . وصح تفائل بس خل لك نظرة للبعيد لسمح الله صار عندي اسباب ومنعتني من اكمل الشغل

مسؤوليات وظيفه مرتاحه فيها اي شي مايكون عندك التزام اخر الشهر بدفع وقدره اضطتريتي تساعدي شخص ماتاكلي هم اخر الشهر بدل مايدخلك مبلغ تصرفي مبلغ

الي برايي الارض شي حلو وماعندي عنه اي معلومة والفان الي عندك لو تعبان يتعدل بمبلغ بسيط ويصير وكاله كنه جديد

المبلغ خليه عندك بجيبك ولاتصرفي منه شي وكل صرفك يكون نسبه وتناسب مثلا مدخولك الشهري 1000 اصرفي النص 500 والمبلغ المتبقي ادخار فوق ال100 الف( لاحظي الارقام مثال باذن الله ادبالها مدبله يكون مدخولك )
لاتغرك لحياة وبعدل ببيتي وبشتري لنفسي و و مشروعك خلينا واقعيين لبناتك بالمستقبل بعز امهم عايشين الله يحفظك ويخليلك ياهم
يعني لازم تدخري في فديوهات عن الادخار وفوائده وكيف الناس قدرت تكون بشر بسببها
وبتلاحظي كل شي بسيط وتافه ماله لازمه لما تدخري مب لازم اشتريه هالشهر لي بعده
والمبلغ الي معك ممكن تاخذيه وتستفيدي من الارض بعدين وممكن لا . بس ميزته ان اموالك مجمده طرق .. ماتقدري تصرفي وهذي الميزة دام ماحاطه ببالك اي شي حاليا

(وشي ثاني كوني انتي الي تبحثي وتستكشفي ماهو عيب اسال . بس عيب اني اوثق باي شخص )
لو لحين اتقطع من الفقر محد بيدلني ع ارض فيها ذهب الا هو بيسبقني وبيقول من سبق لبق "

لاحد يقولك سوي واعملي وماهو عيب تاخذي بكلام الحريم بس اغلبهم لانهم ماخاضو التجربه يتكلمون من عاطفه خذي وبكرى ادعي لو معها هالمبلغ بتشوفي صرفته ع نفسها لان يدل انها نظرتها ماهي صح للارض ولا للمستقبل وماهي متاكده من نصيحتها لك

مثل ماقلت لك اشتغلي ع فانك ولو خفتي تصرفي هالمبلغ بعد ماتكوني لك مبلغ بسيط تصرفيه ع فانك وبيتك اشتري هالارض وجمدي اموالك ان ماكسبتي ماحتخسري الكثير . بالعكس ممكن تصرفي منهم لو كانو بجيبك اكثر

الوضع مشوش وكل شي يخوف بهالوقت ان اشتريت ان مشيت ان فعلت ممكن اخسر بس ابداي بفانك ماحتخسري باذن الله ومثل ماقالو جماعة الخير تقدري تدخلي لمدرسه وتحضري معهم وتعطيهم رقمك وانتي بنت اكبر ميزه حتى بليل ممكن يحتاجونك مشاور لسوق اقل مشوار 25 ريال و25 راجع 50 ريال بجيبك . فالك التوفيق

مافي مثل اللأرض تحفظ المال وإذا كانت على شارع تبنيها محلات وتاأجريها

النقل مشاكله ومخاطره كثيرة

والله يوفقك