06-11-2019, 07:37 PM
|
 |
عضو مهم
|
|
تاريخ التسجيل: Sep 2010
المشاركات: 277
معدل تقييم المستوى: 352419
|
|
اقتباس:
المشاركة الأصلية كتبت بواسطة مجرد مواطنه
السلام عليكم ورحمة الله وبركاته
العنوان واضح بموضوعي ما ابي اطول عليكم وكتبت هالشي لاني ابي لكم الخير
اللي مطلقه او ارمله بعلمكم الطريقه للتسجيل في برنامج سكني واللي يخص مستفيدات الضمان طبعا وحدات سكنيه
اول شي تروحين لمكتب خدمات ويفضل لو اللي بالمكتب سعودي اولا ابن الوطن وبيعلمك كل شي عن هالبرنامج حتى لوخبرته بسيطه
ثانيا لو انتي مطلقه او ارمله تاخذين كرت العائله اللي مذكور فيه اسماء البنات والاولاد علشان على حسب عددكم يختارون لكم عدد الغرف ومرافق الوحده واللي عرفته انه اما 6 غرف او 3 غرف
وتاخذين كل شي معك مثل صك الترمل او الطلاق وصورة هويتك وكل شي يخصك تصورينه واذا فيه شهادة وفاه هاتيها معاك الزبده لا تخلين شي
الموظف بالمكتب راح يسجل بيانتك ويسئلك عن الدخل احنا قلنا 3 الاف عاد حسب دخلكم
اول مايسجلك بموقع سكني بعد دقايق بيطلع انك مستحقه او لا يعني شلون؟؟؟ يعني اذا انتي مستحقه للسكن بجميع ظروفك سواء مطلقه او ارمله هنا نقول الامور ماشيه تمام
ثالثا نجي للخطوه الاهم والمهمه جدا جدا لازم تكوني مسجله في جمعيه خيريه حسب منطقتكم لان اول ماتكوني مستحقه ثاني يوم تروحين للجمعيه وتاخذين الورقه اللي مكتوب فيها انك قدمتي على البرنامج ومذكور فيها كلمة مستحقه او استحقاق طبعا هذا في حالة اذا كان لك ملف سابق بالجمعيه او تسجلين لان الجمعيه والاسكان بينهم ربط معلومات في حالة معرفة ظروف الاسره المستحقه
خلاص الحين خلصنا من كل شي بتنتظرين توصلك رساله من سكني بالموافقه واللي عرفته بعد شهرين يردون اما برساله او اتصال انك اتاهلتي للسكن وممكن المده تطول
نجي الحين لموضوع السكن بتطلع معك مندوبه او مندوب عشان تختارين شقتك راح يورونك الشقق اللي غرفها صغيره او كبيره طبعا هالمعلومات جبتها من صديقة الوالده علمتنا جزاها الله خير ومادري حسب كل منطقه
عاد انتي وحظك اذا مندوبه قشره او طيبه
بالنسبه لاختبار مكان وحدات السكن يتم بشكل عشوائي شلون يعني؟؟؟ مثل في حي النسيم او السويدي انتي ماتختارين على كيفك لا القرعه عشوائيه
طبعا بما انك تاخذين ضمان وهذاا مصدر دخلكم الوحيد بيخصمون 200 ريال والشقه او الوحده السكنيه بتنكتب باسمك
وكل منطقه لهم طريقتهم وتعاملهم في هذي الامور
ملاحظه= رحت انا وامي وسجلنا وطلع لها مستحقه وللحين ننتظر ردهم
ودمتم بحفظ الله
|
مطلقه لازم سنتين من صك طلاق
الارمله يعطونها من شركات
لان مال ورثه
مهم موضوع مطول
بالنسبه لي مطلقه كل جمعيات الخيريه رفضو يستقبلوني لاني حاله فرديه
ومنصه جود ماتقبلني
وماقدر اتوظف عشان ماعندي احد يمسك اطفالي
وفكرت احطهم بحضانه منزليه ٢ ب ٢٥٠٠
طيب وش يبقي من راتب
|
العرض العادي
