22-12-2019, 11:48 AM
|
عضو متواصل
|
|
تاريخ التسجيل: Nov 2019
المشاركات: 54
معدل تقييم المستوى: 11
|
|
|
رد: قصتي مع مشروع ماكان معاي فيه ولا ريال لرأس المال.. اذا تبي تحاول ادخل
اقتباس:
المشاركة الأصلية كتبت بواسطة Eman369
جزاك الله خيير لطرحك هذه التجربه جاات في وقتها لاني حاليا عندي مبلغ بسيط وافكر بشكل جدي بالتجارة الاكترونيه ،
عندي سؤالين
1-كيف اسوق لبضاعتي على النت وخاصة اني ماعندي علاقات اجتماعيه ومافيه دعم عائلي ؟
2- لوابغى اجيب بضاعه عن طريق علي بابا, كيف اعرف حاجة الزبائن لهذه السلعه؟
شكككرا لمجهودك ووقتك وربي يوفقك
|
حلو
1- التسويق انصحك من الان تفتحين الانستقرام وتزيدين عدد متابعينك فيه عن طريق اضافة الناس
الخطوات للنشر عن طريق الانستقرام : 1- فتح حساب 2- تعديل البروفاييل والاسم 3- حطي فيديوهات حلوه تضحك او اسلامية او تجارب وغيرها .. 4- روحي لحساب اخبار السعودية وضيفي اخر 50 شخص ضافوا حساب اخبار السعودية وبعد ساعه ارجعي ضيفي 50 ثانين
لين يجي بكرا ومن بكرا اول ماتصحين سويلهم انفولو وبعده بيوم ارجعي كرري الاضافة وهكذا لين يزيدون متابعينك
وبعدها احذفي الفيديوهات والمقاطع وابدأي نزلي صور شغلك
2- تحديد السلع المهمه قيسيه على نفسك
هل لو شفتيه بالسوق ومعاك مبلغ مصروفك الشهري بتشترينه او لا..!!
لو ايه جيبيه واتوكلي على الله وانصحك استشيري اللي حولك بس لا تنتظري منهم الدعم ابداً
حتى الناس اللي عندها عوائل دعمهم بيكون مؤقت فقط وغالبا يكون بس كلام لكن محد بيسوي شي لأنه مو شغلهم هذا شغلك انتي وانتي اللي لازم تتعبين فيه (الا من رحم ربي)
اعتمدي على نفسك وعلى حساب الانستقرام
واتفرجي على حسابات الانستقرام الناجحه وحاولي تسويين زيهم ولو ماعرفتي اسألي ولكن لا تسوين شي خطأ وتستمرين فيه بدون ماتصححينه
الله يوفقك واي استفسار انا موجوده هنا بهالموضوع
|
العرض العادي
