حسبي الله ونعم الوكيل..
على زمن الناس ماتخاف ربها فيه..
أن لله وأن اليه لاراجعون..

القصة اللي أذكرها : إن الزوج كان معزوم في إستراحة أو زواج أو شيء زي كذا و مر على خويه و راحوا هم الإثنين مع بعض ....
و بعد ساعة تقريباً قال خوي الزوج أبغى السيارة عندي شغله بالبيت و أجيك قام الزوج عطاه مفتاح السيارة ومعه مفتاح البيت قام شغل السياره سار بها على بيت الزوج و دق الباب فردت عليه الزوج .... و بعد ما قال لها فلان أن مرسول من زوجك أعطاني أغراض أعطيك إياها هي شافته من العين السحرية و عرفت إن ما عنده شيء ما غير يكذب عليها قالت له خلاص خليه لما يجي هو يعطيني إياها بنفسه او حطها عند الباب .... و إلا وشوي ما تسمع إلا و الباب ينفتح فجرت على المطبخ و قفلت على نفسها و الولد برا في الصالة و بقية القصة مثل ماهي موجوده هنا بالمتصفح و متداولة بالنت لكن عقب ما قتل الطفل عيت إنها تفتح الباب و صارت تبكي فحاول إنه يكسر الباب .. ما قدر
فقال في نفسه إنه يدخل عليها من دريشة المطبخ ... طبعاً دريشة المطبخ من زجاج فحاول يكسرها و حاول لين أنكسر نص الزجاج لما حاول يدخل ما دخل زين فطاح على الزجاج من عند بطنه ... فدخل الزجاج في بطنه و مات و سبحان الله ولا قدر يلمحها حتى و هي من قوة الخوف و الفجعة لما كسر زجاج الدريشه أغمى عليها .... في هالأثناء كان الزوج قلقان وين تأخر خويه ذا وين راح أغلب اللي بالجلسه راح ما عاد بقي إلا هو و كذا واحد فراح مع واحد منهم و إلا ولقى سيارته عن باب العماره و لما طلع لقى الباب مفتوح و طفله ميت و باب المطبخ مقفل لما أتصل بالشرطه و فزروا الباب لقوا زوجته مغمي عليها و دم خويه بقربها .... وهذا اللي أذكره


و مثل ما ذكرت من قبل السبب ... لأن زوجها ما كان يناظر لحريم الناس عشان كذا الله حفظ له عرضه .. كان حتى إذا كان وهو نازل من السلم و لقى باب شقة الجيران مفتوحه ما كان يناظر و كان يدير وجهه

و الله تعالى أعلم