السلام عليكم ورحمة الله وبركاته .
بسألكم ياشباب سؤال الحين ليش بعض الناس يخاف من الدوره العسكريه يعني في اسباب , عشان يخاف او بسبب الهروله او ماعنده لياقه او عشان السب والشتم اللي يجيه ؟ افيدوونا لاني انقبلت قبول نهائي وابي اعرف هالاسباب والمخاوف

وعليكم السلام ورحمة الله وبركاته

مبروك وان شاء الله تعدي الدورة على خير.

ياطويل العمر، نظام العسكرية الشر يعم والخير يخص. يعني اي واحد منكم يجيب العيد الكل ياكله الا اذا اعترف الشخص. يعني تحصلك تمشي للميدان يجي واحد بوسط الطابور يدخن ومستحيل احد يعترف واخوياه بيتسترون وتاكلها السرية كامله جزء نفس اللي حصل بدورتي او يجيك ناس مايفهم وسط الطابور يجلس يسولف ويسبب ازعاج فيتسبب على الكل

بس ترى تهديداتهم كلام، اشوف واحد يحلف والخ... بعدها ولا شيء الا كان واحد صدق مستلمنا ما يمنعه الا اذا جاء المقدم او العقيد اخر مره نمنا وحده ونص وسرية ثانيه استلمهم حتى اثنين ونص فجأة جاهم العقيد ولا كان بيواصلون للفجر

اللي ما يتحمل الكلام والضغط النفسي هم اكثر ناس يعانون

طبعا دورتنا الضغط خفيف جانا لن على كلم ناس تخرجوا والرئيس نعتبر احنا جانا فقط ربع اللي جاهم لن اكثر دورتنا رقباء و ووكلاء وشويت عسكر.

اذا بتهرب جوال دخل معك كشاف بدون كاميرا سعره 65 ريال، اخر يوم خربوها الشباب وهياط يطلعون جوالاتهم يصورون وتتصادر وتتكسر قدامهم وانسى تصلحه لن تصليحه قيمة جديد.

اذا الكل مخربها خربها لنك بتتعقب سواء سويت شيء او لا.

وفيه رقيب الدورة حلوه بس ضغط عليك كثير واذا قالوا عليها شيء ترهم كذابين فقط واحد ياخذه ولا لزم مساعدين يسوون شغلهم او انسى، فقط ترتاح من التصليبات بعض الاوقات والجزوات. وتقدر تروح لدورة المياه تقريبا ٨٠% على كيفك الا اذا فيه احد يشرف عليكم . واتكلم لك عن خبره اسحب عليها ولا تاخذها وجع راس ويا تخسر ناس او انت تاكلها

ومره طبيعي تتعقب على شيء ناس مسوينه بالدورة اللي قبلكم.

وترى الجزوات تعتبر تمارين رفع لياقة بس هم يخلونها على انها عقاب لكم.

واذا فيك اصابة سابقة تقدر ما تنفذ يعني كانوا يقولون اجلس وبعدين امشي وانت جالس وانا اوقف وارفض بعض الاوقات يتركك او يقولك ازحف اذا رجلك تتعبك.

اهم شيء بالدورة صحتك، طحت على رجلي وجلست نص الدورة الم مستمر بالمسكنات يخف ويرجع من الكرف.

نصيحتي لك ابداء بالهرولة من الحين فيه دورة بتبداء بيوم 15 او 17 هجري ويمكن تكون منهم.

انا بتوقع السبب الكرف وضعف اللياقه وعدم تحمل المسؤوليه