السلام عليكم ورحمة الله

اخوني ..خواتي

ادري ان وجودي في المنتدى غريب لاني طالبه

بس حاسه فيكم وهذا الي خلاني اشترك معكم

وبعد عارفه ان نهايتي مثلكم عاطله

عندي نشاط اختياري يعني انا اختار وش راح يكون نشاطي

فقررت ان نشاطي يكون عنكم انتم

عن البطاله والشعب السعودي

ادري ان نشاطي مستحيل يفيدكم بشي ولا بيوظفكم بعد بس اقل شي يبين ان فيه ناس كثير مو عاطلين بس حاسين فيكم وخايفين يكونو من العاطلين في النهايه ويبون يساعدون لو بشي بسيط

ابيكم تساعدوني في اشياء عشان النشاط قررت اكتب عن المنتدى وعن تجمعكم واعرض بعض من الشخصيات هنا في المنتدى وكيف ان الشعب السعودي يحب العمل بس للاسف محد اعطاه فرصه وان يملكون اعلى الشهادات لكن في بيوتهم مالقو احد يوظفهم وان الاجانب عايشين افضل من السعودين ..

وبس هذا

ادري ممكن تستخفون فيني وتضحكون علي ياليت الي بيتكلم علي وينكت لا يرد

بس اتمنى تساعدوني

ابي اعرف

كم صار للمنتدى مفتوح ؟؟

كم عدد الاعضاء ؟؟

واذا ممكن تساعدوني ابي اعرف عدد العاطلين عن العمل في السعوديه ؟؟

واي شي ممكن يفيدني في نشاطي

قصه ؟ قصيده كاتبها عاطل ؟ اي شي تبون اكتبه واعرضه في نشاطي اكتبوه لي هنا

.. سالفه اي شي ..