انا توظفت حكومي قريب وعمري 31 سنه شو المشكلة لاتيأس فيه حلول كثيرة واهم شي تكون ساكن بالرياض وابشر بالمساعدة

الحال من بعضه وانا اخوك و عمري فوق الثلاثين و بحثنا في هذا الدنيا و نقدم و نختبر من مدينة لاخرى هم و تعب وربنا يعين

يا رجال خلها على ربك انا عمري 31 وعندي شهادة جامعية وعندي لغة انجليزية من دولة استراليا و12 دورة تدريبية وكنت موظف وتم انهاء خدماتي حسب المادة 77 نهاية عام 2017 والا الحين م توظفت لا قطاع خاص ولا حكومي قسم بالله سويت المستحيل وكل يوم قاعد على الكمبيوتر ادور واروح الشركات م خليت مكان البعض موظف قطاع خاص يقول انا عاطل الله يفرجها علينا جميعا

انا عمري 35 وعندي خبرة 5 سنوات وشهادتي دبلوم مع مرتبة الشرف وعاطل ماخليت مكان ماقدمت فيه ولا فية اي نتيجة

اخوياي الي معي كانو مبزوطين ومعدلاتهم نازله ودرجات متدنية متوظفين بعد تخرج وظائف حكومية وكلها يوم تسالهم واسطات صدقوني لو عندك خبرات الدنيا ودروات مليون مع واسطة يحل مشاكلك حتى في المقابلات يعرفون أنه من جهة فلان وحنا يشغلونا بطور نفسك كلها كذب في كذب واساطات ومعارف المشكله الي داخلين كذا يجلس يتفلسف عليك ب كيف أنك تعتمد على نفسك وتجتهد ما اقول الا شى واحد شر البلية مايضحك

الله يرزق كل باحث عن عمل
لكن اذا اقفل باب فتحت ابواب اخرى
اي شخص لديه مهارة يسجل بمواقع لبيع الخدمات كمستقل وخمسات
او يفتح حساب بالانستقرام وياخذ منتجات بالجمله ويبيع قطاعي
عسل، تمور، الكترونيات، اكسسوارات جوال واي منتج تشوف انه عليه طلب كبير وانت ببيتك
والرزق يجي لاتياس الى ان ترزق بوظيفه مع انه اشك انه راح تدور عليها اذا مشت معاك الامور

انا ابشرك تخطيت الثلاثين وصار عمري ٣٤ والى الان عاطل عن العمل مؤهلي بكالوريس شريعه الان ماشي بالسنه السادسه بالعطاله ما اقول الا حسبنا الله ونعم الوكيل راحت اعمارنا بالعطاله اللي اصغر منا توظفو وفلوها وتزوجو بعد وانا الى الان حالتي بائسه نعاني الفقر ما ادري متى اتوظف ياالله يارب ارحمنا برحمتك وافرجها علينا والله ان النفس وصلت الى اقصاها

انا عمري الان 31 سنة خريج بكالوريوس 2015 عاطل الى الان ابحث عن وظيفة ولا ادري وش مشكلة شح الوظائف في البلد رغم ان عندنا 15 مليون عامل وموظف اجنبي
نسال الله ان يفيض علينا من فضله ويغنينا جميعا وهو الرزاق ذو القوة المتين ( العطاله هم وغم والم لايعرفها الا من عاشها )

انا معي بكالوريوس حاسب وعمري 34 موظف قطاع خاص ،

القطاع الحكومي التوظيف فيه صار صعب لكثرة العاطلين

نصيحتي لكم ابحثوا الوظايف في

طاقات + لنكدن + بيت كوم

القطاع الخاص فيه وظايف كثيرة و ممتازه ورواتب طيبه .

ويفضل تتوظف وتسوي لك مشروع خفيف يدعمك شوي .

تقدر تقدم على مشاريع عن طريق بنك التنمية.