السلام عليكم ورحمة الله وبركاته
اولآ ,, فضلآ لاأمرآ لمن يقرأ موضوعي يحمله على محمل الجد والبعد عن التعليقات
الهزلية !!فضلآ لاامرآ الله يسعدكم ..
انا بصراحه في خاطري مشاريع لكن ماني عارفه وش السلبيات
والمطاليب لأنه بصراحه اهلي مااحد يشجعني .. ومافي احد يخليني اتشجع
دايم يقولوا انتي ماانتي محتاجه ,,
^^ الحمدلله وضعنا المادي جيدجدآ والفضل والمنه لله
ولكن كل انسان يطمح للأعلى ويحس انه انجز شئ ..باي عمل يعمله
1/ انا ساكنه بقريه تبعد عن الدمام نص ساعه تقريبآ .. يعني بعيده عننا واغلب الإحتياجات كلها نقضيها من الدمام او الخبر
ومن هنا جاتني الفكرة
وهي اني استقدم سواق واشتري مايكروباص .. يودي مشاوير من القريه الى الدمام او الخبر ..
وبرضوا ياكثر البنات اللي بالكليات ايام الإمتحان مايكون فيه باص يرجعهم للبيت بعد ماتنتهي الفترة الأولى لازم ينتظروا الفترة الثانيه فهنا فكرة ثانيه شجعتني على فكرة السواق والباص
لما كنت انا بالكليه كنت اجي مع سواق ب15 ريال لليوم الواحد .. لمدة اسبوعين كاملين
والباص كان ماشاءالله مليااان بنااات وغير البنات اللي مايلقون لهم مكان لأن الباصات تكون قليلة >>يعني مدخول حلوووو بصراحه ايام الإمتحانات
والموظفات محتاجين للسواق يوديهم ويجيبهم ... يعني عدة احتياجات ...
لكن مشكلتي التكاليف والإستقدام مااعرف وش السالفه !!
الباص بكم يكلف ؟؟ السواق !ّّ وكم راتبه ؟؟
ولكن متخوفه من شئ واحد وهو ؟؟ ان السواق يهرب >>.هذي المشكله
وبالنسبة للمبلغ انا عاطله 
يعني ماعندي لكن سمعت انه فيه قروض ؟؟
وماعندي أي خلفيه عنها برضوا ؟؟
حبيت اضيف .. الوالد مدرس حكومي الله يخليه السنه الجايه بيتقاعد وهو راااااااافض انه يستقدم سواق للعائله مع انه والله العظيم انه كويس وبيحقق حلمي بالمشروع 
لما استقدم وانا عاطله وش بيقولون ؟؟
المشروع الثاني ..
برضوا في قريتنا المتطوره ..فيه عمارات توها مخلصه من البناية وبها محلات للإيجار!!
انا نفسي اني استاجر هذي المحلات واحط فيها اكشاك >>كوشكـ
وابتدا بعمل نشرات وتوزيعها على البيوت لأنه فيه بنات يحبون الطبخ وبنات عندها هواية المكياج وووو الخ يعني مهارات كثيييرة
وااجره على البنات ويصير كانه مجمع نسائي لمختلف المهارات للببنات !!
الثالث ..
االحضانه ... طبعآ بأستقدم خادمه علشان التنظيف والإهتمام بنظافتهم..
وطبعآ الألعاب وتجهيز الغرفه كامل من والى بحاجيات الأطفال
وتكون الحضانه في المحلات اللي قلت لكم ولكن الى الآن ماشفت بكم اجارها !!
لكن حبيت آخذ مشورتكم ونصائحكم ,,لأنه ينقصني الخبرة ومنكم استفيد
الرابع..
بحكم ان شهادتي الكليه والدبلوم ماانتفعت منها ولا بشئ ولا عندي احد يوديني ويجيب فيني
!! انا احب البزنس.. استغليت النت بشئ يفيدني
صارت عندي بضائع متنوعه والحمدلله وابتدأت بتسويقها عن طريق النت
ولكن بودي ان بضاعتي تنتشر بشكل اكبر على المشاغل والأكشاك الموجوده داخل كل مشغل
وش تشوورن علي وش اسوي علشان بضائعي؟؟ ملاحظه بالنسبة للقرية لاتقوولون حاولي تعرضيها على البائعين الموجودين اقولكم لالالالالالا
لأنه هنا قريه والكل يعرف بعض !! ومااحب اني اتعامل معهم ...!!
كلامهم وااااااجد ومايحبون هالحركتات.. يعني انا بيكون نشاطي وتعاملي مع اللي خارج القريه ..
عذرآ اطلت عليكم واستخدمت اسلوب عامي لكن للتوضيح فقط
وش رايكم ومشورتكم لأني بجد نفسي ابتدأ باي مشروع ولكن ينقصني التوجيه والدراسه الواضحه للمشروع
وانا احب ابتدأ بشئ ناجح ومدروس الخطط
بالنسبة للمبلغ عندي مبلغ بسيط.. الله يجزاها خير يارب وحده من صديقاتي وضعي المزري متخرجه من الكليه ودبلوم ولاعندي ولا وظيفه عرضت علي مبلغ 10000 ريال قالت لو براسك أي مشروع خذيها واشتغلي وبعدين لما تربحي ردي لي المبلغ !!!
ولكن انا نيتي اخذ سلفيه !! وخايفه من السلفيه بصراحه ... او آخذه من صديقتي ونصير شريكات مع بعض ..لأنه برضوا ببضاعتي لما شريتها كان نص منها ونص مني ..
الله يجزاكم خير ويفرج كربتكم دنيا وآخره يارب يامن تقدمونلي أي توجيه واي اقتراح ..
اختكم عاطله ..
26-11-2008, 02:16 AM
هـــام عدة مشاريع واريد منكم توجيهي ونصحي ...
العرض الشجري
