السلام عليكم ورحمة الله وبركاته
اسعد الله أوقاتكم بكل خير

أنا موظف حكومي ووظيفتي مدير ادارة في احد الدوائر الحكومية وكملت سنه في تلك الادارة وانتهى تكليفي وفي طور التجديد لسنه جديده ولكن المشكلة انو عندي مشروع تجاري خاص فيني دفعت فيه دم قلبي والمشروع هذا أخذ وقتي واهتمامي وصار همي الأول والأخير هو وبعض الأوقات تمر علي مشاكل في مشروعي تخليني مشتت ذهنياً في عملي وتأثر على انتاجيتي ومع العلم الادارة اللي انا فيها من مهام عملها مطالبات باستحقاقات ماليه وعقود وماإلى ذلك يعني لابد عملك يكون دقيق وأي غلطه تروح فيها ، اضافة إلى انني غير متخصص في مهام عمل تلك الادارة مع العلم أني مارست مهام عملها لمدة عام كامل والحمد لله تجاوزته بنجاح ومشت الأمور ، ولكن المشكله انو الان مع أزمة كورونا توقف كل شي وتأثرت تجارتي وتعبت نفسيا وماعد صار لي نفس حتى أداوم وماابي أتحمل اي مسؤولية في نطاق العمل ومسؤولية من هم تحت إدارتي فخلاصة الكلام هل اقدم إعفاء من الادارة وافتك من المسؤوليه ومن الشتات الذهني اللي انا فيه واتفرغ لشغلي الخاص لأني احس أني أهملته ، وارجع كموظف عادي يكون عملي محدود ، أم أبقى على ماانا عليه .

ملاحظه : الميزه ف عملي كمدير ادارة انه لايوجد لدي بصمة حضور وانصراف وهذا اللي مخليني متمسك فيها لأجل هذه الميزه فقط لأغير ولاكن لو رجعت موظف عادي راح يكون عندي بصمة حضور وانصراف .

أتمنى ان تعطوني رأيكم ومشورتكم وفقكم الله .

الله يسعدك ويوفقك لكل خير
وقريت الموضوع وانت طرحت الموضوع وحليته فاختار الحل المناسب ولا تتشتت كل شي عطه حقه في العمل وظيفتك وتجارتك الوظيفة لا تفكر انك تهمل او تترك هذي وظيفة لك ولزمن وقسم وقتك واهتم بشغلك وتجارتك بعد اهتم فيه والله بيسهله وهل الازمه انشاء الله بتعدي على خير وترجع تجارتك
وبإمكانك توظف احد معاك ونرتب الشغل بس لا تترك وتهمل تابع شغلك اول بأول والله يسهل واهتم بعملك ترى الوظائف قليل وبتتعب بدون عملك وبما انه معتمدين عليك ومريحينك فاهتم بوظيفتك ولا تهمل في شي اضرب عصفورين مع بعض واذا صار عندك كم ريال لا تفكر بال إهمال لن تذكر او ماعندك وظيفه والله يوفقك لكل خير وهذا نصيحتي لك من واقع وانت شاورت وانا هذا شوري
رتب وقتك وشغلك واستمتع بإجازه يوم في الاسبوع استرجع طاقتك وريح

جيب موضف او احد معارفك وسلمه امور االتجارة وانت خلك متابع الان يدفعون الا50الف للوضائف الحكومية

اكيد تمسك بوظيفتك دامك تاقلمت على الشغل وصرت تقدر تنجز فيه
بالنسبة للتجارتك هذا يعتبر شغفك فلازم تواجه كل الضغوطات والتحديات ومنها ازمة كرونا..لان حتى انا عندي مشروع تاثر
وفي الاخير لازم تفصل بين شغلك وتجارتك..في وظيفتك هدفك واضح انك تخدم الدائره الي انت فيها..وفي تجارتك هدف واضح انك ترضي طموحك
وبالتوفيق

مشروعك بجدة وظفني فيه أنا الكفو وعمري 38سنه وخريج الكلية التقنية

السلام عليكم ورحمه الله وبركاته
اسعد الله وقتك اخوي
من وجهة نظري هنا تجي الوظيفه والدخل الثابت بفوائدها مثل منت شايف تاثر السوق وطحنا كلنا بس الرواتب بعدها هي ثابته وهي السند لاتتعب نفسك وتاكد كل ماطولت في السوق انت تثبت نفسك وتكون اقوى وهنا يجي دور الدخل الثابت الي ساندك في وعملك هذا
لاتتركها وريح بالك وخل عندك يقين كل ماببقيت في السوق بكون افضل