إثر البيوت انوارها سكانها
ماهي بزخرفها ولا بنيانها

بيوت مرفوعة وترفع من زبن
ياسعد عين اللي زبن بأركانها

وبيوت لا جتها الخلايق تنكسر
لو كان من صافِ الذهب عمدانها

وبيوت لا جتها الخلايق ترتفع
لو كان ماتلقى عشاء ضيفانها

يالله عس الطيب يجي دايم قوي
ولا تالي كرام العرب رديانها

لأن الكريم ليا قوى ربعه قوو
واهل الردى تكبر ويصغر شانها

الوقت علمني وانا توي ولد
إن الرجال أفعالها بأيمانها

لا يغرك اللي بالدواوين ايهذر
ناسٍ فعايلها بطول لسانها

والحسد لامن طب الانسان ادمره
ياالله تفك النفس من عدوانها

فلان به / وفلان لو إني منِه
وفلان يركبها بدون عنانها

وان قيل لك سفهان الاريا سولفو
طب النفوس الخايبه حقرانها

يالله عساني لاكسبْت اكسب وفي
النفس قيمتها على خلّانها

ويالله عساني لاخسرت اخسر ردي
بعض الوجيه الربح في خسرانها .



الشاعر/ سعد صالح المطرفي