اعزائي احتاج نصحكم مساعدتي بخصوص الامتحان
ارجو مساعدتى بطبيعه الاسئله
وكيف تتم حساب الدرجات والتصحيح
وجزاكم الله الف خييييييييييييييير وجعله فى ميزان حسناتكم

حصلت هالردين يمكن تفيدك :-

اقتباس:

المشاركة الأصلية كتبت بواسطة Esperanza اختبار اللغة الانجليزية في مدينة الملك عبدالعزيز الطبية للحرس الوطني قدمت على العمل في المستشفي و طبعاً أول إجراء في مكتب التوظيف هو أنهم يقيمون لغتك الانجليزية لان اللغة الانجليزية أساس في كل الوظائف. طبعاً أكيد خفت وطاح قلبك و احترت وش تسوي و بديت تسأل يمين و يسار كود تلاقي احد يساعدك. إنا بالموضوع هذا ابعطيك المختصر المفيد: - سوا قدمت عنطريق الانترنت أو بشكل شخصي فبيتم الاتصال عليك لتحديد موعد اختبار لغة لك ، إما إذا محد اتصل عليك فلا تصبر و اتصل أنت عليهم و عطهم رقم تقديمك اللي يبدى بالحرف (C) أو إذا كنت مضيعة عطهم رقم بطاقتك الشخصية (الرقم الطويل). و هذا رقم تلفونهم: 012520088 تحويله: 12300 -اختبار اللغة الانجليزية للرجال يكون كل يوم اثنين و ثلاثاء من كل أسبوع عند الساعة 8 و 10 الصباح و الساعة 1 بعد الظهر ، إما بالنسبة للنساء فيكون يوم الأربعاء من كل أسبوع عند الساعة 8 و 10 الصباح و الساعة 1 بعد الظهر. -في الوقت الحالي يطلب من كل شخص بيختبر انه يحضر معه صوره شخصية و يمر على مكتب التوظيف قبل توجهه إلي صالة الاختبار عشان يحطون صورته على ورقة و يختمون عليها عشان يأخذها إلي صالة الاختبار و تكون على شكل إثبات شخصي. طبعاً انا قلت في الوقت الحالي لأنه قريباً انشاءالله بيتم إيقاف الطريقة هذي و الاكتفاء بالصورة الموجودة في الإثبات الشخصي للمتقدم عند دخوله صالة الاختبار. (لوسي ترى هذا بسببك) -احرص دائم انك تحضر على الأقل 30 دقيقة قبل موعد الاختبار لان موقع صالة الاختبار داخل المستشفي صعب انك تحصله بسهولة و بتظطر تسأل نصف موظفين المستشفي الين تلاقي صالة الاختبار (انشاءالله قريباً نحل المشكلة هذي) ، المهم صالة الاختبار موجودة في المبنى الإداري للمستشفي في الدور الثاني. -الاختبار بيكون عنطريق إدارة مستقلة عن إدارة التوظيف (إدارة التدريب و التطوير) لذلك لحد ينشب فيني و يقول لي افزع معي لان الكمبيوتر هو اللي يصحح الاختبار وحتى موظفين التدريب و التطوير ما بيدهم يفزعون. -الاختبار بيكون على جهاز كمبيوتر و الأسئلة تظهر بشكل عشوائي لذلك الأسئلة اللي تظهر لك أنت بتختلف عن اللي جنبك لذلك لا تفكر تغش. -الاختبار مكون من 120 سؤال مقسمة كما يلي: 20 سؤال محادثة تكون حاط السماعة على أذانك و تسمع محادثة باللغة الانجليزية و تختار الجواب من 4 خيارات إمامك. 55 سؤال في قواعد اللغة الانجليزية ، وركزوا في مذاكرتكم على القواعد لأنها تمثل 48% من درجة الاختبار ، و الأجوبة أيضا اختيارية. 25 سؤال مصطلحات لغة انجليزية ، يعني تطلع لك كلمة أو جملة فيها كلمة محدده و يطلع لك مجموعة من الاختيارات أحداها يدل على نفس معنى كلمة السؤال. 20 سؤال قراءه تكون على شكل قطع تقرونها و تجاوبون على أسئلة منها، و الأجوبة أيضا اختيارية. - مدة الاختبار هو ساعة و أربعين دقيقة لذلك لا تأخذون راحتكم في الاختبار لان أسئلة القطعة طويلة و تأخذ وقت طويل. -النتيجة النهائية للاختبار (عدد الأجوبة الصحيحة) بتنظرب في 120 و تقسم على 100 فتطلع درجة الاختبار من 100. -طبعاً جميع الأجوبة على الأسئلة هي اختيارية و ممكن الواحد يجيب درجة عالية فقط من الإجابة بشكل عشوائي ، لكن إنا أنصحكم ما تجاوبون إلا إذا انتم تعرفون الجواب لأنك ما ودك تجيب درجة عالية في الاختبار وأنت ما تعرف انجليزي و في المقابلة الشخصية تتفشل إذا ما قدرت تنطق كلمة انجليزي وحده. بعد ما تخلصون من اختباركم علطول روحوا لم بيوتكم و ادخلوا على الرابط التالي: http://www.ngha.med.sa/applications/...re/escore.aspx و حطو في المربع اللي يطلع لكم رقمكم الوظيفي اللي يبدى بالحرف (C) و اضغطو بالفارة حقتكم على زر (Get Score) و بتطلع لكم درجتكم في الاختبار (حركة خطيرة ولا لا). طيب ألان اختبرتو انجليزي و عرفتو نتيجتكم في الاختبار وش بيصير الحين: -اذا جبت اقل من 35% في الاختبار فنت تعتبر راسب في الاختبار و تقدير تعيد الاختبار بعد شهر. -اذا جبت في الاختبار ما بين 35% و 45% فنت مؤهل للعمل في الوظائف العمالية في المستشفي من مرافق مرضي إلي مراسل إلي حمالي وما شابه ذلك ، طبعاً الوظائف هذي فقط لحملة شهادة الثانوية العامة ولا يتم توظيف من يحملون شهادات اعلي من هذي على هذه الوظائف. (هذا ما يشمل وظائف الصيانة اللي تكون الدرجة هذي مقبولة لها). و تقدير تعيد الاختبار بعد شهر -اذا جبت في الاختبار ما بين 45% و 65% في نوع نادر من الوظائف و قليل ما يكون عليها طلب مثل وظائف خدمات المرضي. -اذا جبت في الاختبار أكثر من 65% فنت مؤهل لأغلب وظائف المستشفي بمختلف أنواعها ، لكن حط في بالك بان درجة الاختبار لا تضمن لك الوظيفة إذا كانت درجة اختبارك لا تمثل قدرتك الحقيقة في اللغة الانجليزية و بالذات في المحادثة. و تقدير تعيد الاختبار بعد شهر. و في النهاية و مها كانت درجتك اختبار عالية فهذا ما يضمن لك العمل إذا ما كان فيه وظيفة تتناسب مع مؤهلاتك و خبراتك. أتمنى أنى قدمت لكم بعض الفائدة

اقتباس:

المشاركة الأصلية كتبت بواسطة Esperanza السلام عليكم ورحمة الله عندي لكم بشارة وخبر زين بخصوص اختبار اللغة الانجليزية في المستشفي. اخيرا وبعد مداولات دامت اسابيع و اشهر توصلنا في ادارة التوظيف بالمستشفي مع ادارة التدريب و التطوير المسولين عن اختبار اللغة الانجليزية الي اتفاق لعمل بعض التغييرات في الاختبار و اللي انشاءالله بتجعله اسهل الي حد ما. التعديلات التالية تم تنفيذها اعتبارا من امس: -تخفيض عدد الاسئلة المتعلقة بقواعد اللغة الانجليزية من 55 سؤال الي 30 سؤال. - زيادة عدد الاسئلة الصوتية من 20 الي 25. - تثبيت زمن الاختبار ليكون كما هو رغم تخفيض عدد الاسئلة من 120 سؤال الي 100 سؤال. (مدة الاختبار 100 دقيقة) - عمل تعديلات في قطع القراءه و اللي كانت شوي صعبة لتكون اكثر سهولة. لذلك ومع التعديلات المذكورة اتوقع ترتفع نتيجة كل من اخذ الاختبار سابقا و اعاد الخضوع له مره ثانية بنسبة 20% ادعوا كل من خضع للاختبار سابقا ولا احرز نتيجة كويسة انه يعيد الاختبار وذلك بعمل ما يلي: - الاتصال على الاخوان في استقبال التوظيف الرجالي تحويلة 12300 او على الاخوات في التوظيف النسوي تحويلة 12993 وطلب منهم اخذ موعد اختبار جديد بشرط ان يكون مضى على الاختبار السابق مالا يقل عن 30 يوم. (رقم تلفون المستشفي 012520088) اتمنى التوفيق للجميع

اخوي جزاك الله الف خير
والله يعطيك اللى فى قلبك