السلام عليكم ورحمة الله وبركاته

اولا سعيد جدا بالانضمام لعائلة هذا المنتدى واسأل الله لي ولكم التوفيق والسداد

ثانيا انا عندي مشروع وحاب اخذ رأيكم فيه وبالذات اهل الخبره في المجال

المشروع قرطاسيه ( مكتبة ) للتصوير والاقلام والدفاتر وغيرها اللي الكل يعرفها وصاحبها عارضها للتقبيل ويحلف لي اني لو اخذتها اني كسبان ومن هذا الكلام ولكن متخوف من النشاط انه موسمي ومع الظروف الحاليه اغلب النشاطات نايمه وبرضة ممكن الدراسه تكون اونلاين وغير كذا انا ترى مو في مدينة كبيره انا في مدينة صغيره واقرب للمحافظه والمكتبه لها سنوات ومعروفه فما ادري وش القرار المناسب ومحتار لاني عاطل وحاب اكون لي مصدر دخل بدال انتظار الوظيفه اللي طال انتظارها وانا انسان شغيل الحمد لله فحبيت انزل موضوعي هنا واخذ رأيكم ولعلني اوصل للاجابه اللي تخليني اتخذ القرار السليم

والله يوفق الجميع والف شكر