28-11-2008, 09:56 AM
|
 |
مشرفة سابقة
|
|
تاريخ التسجيل: Mar 2007
الدولة: & عـــــريــن الأســـــــود &
المشاركات: 8,563
معدل تقييم المستوى: 21474889
|
|
|
&& الطيب كايـــد والمـراجــل تبي ذيب &&
الطيب كايد والمراجل تبي ذيب
والعرف بيّــــن واكثر الناس تخطيه
والجود سنده والخطاوي تجاريب
والصمت هيبه والعزاوي مشاريه
والجمع قوه والتفرق عذاريب
والشور رجم والمناعير تلفيه
والصدق بيته مرتفع بالمراقيب
والكذب يهدم مارتفع من مبانيه
والصيت حاكم والجماله مواجيب
واللي فعل بنفس فعله تجازيه
للطيب طيب وجزوة الطيب بالطيب
ومنهو تردا اخير منها تخليه
من لا فزع في حزة الخوف والريب
ما ينبغاله حزة الخير تدويه
والنفس ما تقبل جميع المشاريب
ولا كل رجل يارد العد يرويه
والعبد طرقي والليالي معازيب
والعمر فاني وقطعة قماش تاليه
يا الله طلبتك تغفر الذنب وتثيب
يا الواحد المعبود والخلق ترجيه
الرازق المنان يا عالم الغيب
الوالي الرحمن والكون بيديه
تغفر لعيون قوته بالمساكيب
اليا انتهى دمع يجي دمع يتليه
الخوف والله من زمان المطاليب
دنيا تحدن يم شي فلا ابيه
خوفي من الزلات خوفي من العيب
الرب يستر لكن الخلق تبديه
وكم خافي مع طول الايام ما يغيب
لابد يطلع لو مضى وقت مخفيه
للشـــــــــــــاعر مشعـــــــل الغفيلي
|
العرض الشجري
