السلام عليكم ورحمة الله وبركاته

اسعد الله اوقاتكم بكل خير

زي ماهو واضح في العنوان افكر في مشروع محل تركيب كاميرات واحتاج فزعتكم ورأيكم بأي شي ممكن يساعدني او يفيدني في هذا المشروع يعني مثلا وين احصل محلات الجملة في جدة ولا الرياض افضل العماله وش الافضل هل احتاج محل كبير او صغير لمشروع من هذا النوع ولو فيه احد له تجربه في هذا المجال اتمنى انه مايبخل عليه بطرح تجربته

ولكم كل الشكر والتقدير

السلام عليكم

اخوي محل الكاميرات لحاله نصيحتي لك غير مربح لكن اذا بتدخل معاه شبكات وتركيب سيرفرات راح يوفي معاك
والسبب ان الكاميرات تتحدث بشكل جنوني وسرعة كبيرة وراح يتأخر تصريفها هذا اذا ماتوهقت فيها

محل الكاميرات يحتاج الى تصريح امني تستخرجه من وزارة الداخلية وهذا التصريح مهم جداً لتصريح محلك

انصحك تبدأ بنفسك تركب كاميرات وتبيعها اون لاين على امازون اون لاين او تسوي لك ويب سايت وتبيعها
خصوصا الكاميرات المنزلية الخاصة بمراقبة الأطفال
وبرضو تركب للمحلات الي ماعندهم كاميرات او المحلات الجديدة تنشر رقمك
وقتها تجيب عامل كهربائي معاك بالساعة مثلا وتشتغلون مع بعض حتى تتقن العمل وتشوف صعوباته
لان مثل ماقلت لك اذا ماسعرت بشكل جيد وحطيت عقود واضحه .. الله يعينك على صداع العملاء كل ماانسرق له شي ولا صار لكاميراته شي دق عليك حتى لو بعد سنين

تركيب الكاميرات متعب خصوصا في المنازل بتجلس تكسر صخر وتخرق طابوق وتمديد ولازم يكون شغلك نظيف
واحيانا تحتاج تأجير رافعات علشان المباني العالية

بالمقابل ترى العمالة كاسرة السوق يعني تبي تطلع قيمة جهدك يمكن ماتلحق معاهم

عموما هذا جزء من الي ممكن تواجهه والله يوفقك

بالنسبة لرواتب الاجانب المسألة ليست فقط راتب بل تأمين طبي تذاكر سفر .. ايضا توفير سكن ومخاطر مخالفات الخ
والفلبيني مااعتقد بيرضى اقل من 3500 ريال هذه اذا كان ماعنده خبره

والله يوفقك