تهدي على جمعية الصم البكم جوالها

رميزان · #1 (**permalink**) 29-11-2008, 01:33 AM

للحزن ساحاتٍ بصدري مثل ساحات القتال .. فيهـا الاصيـل مـن المهـار تعـوّد iiبخيالهـا

ولا يطفي حر مابي من حرايق وأشتعال .. الا الدمـوع اللـي مـن عيونـي يهـل iiهلالهـا

لازال فيهـا دمعتيـنٍ للفـراق ولاتـزال .. ذكـرى هنـوفٍ كـل يـوم أحطّهـا iiوأشتالهـا

راحت عسى الله مايلحقني مشاريه الرجـال .. تقـول كنّـي ماخلقـت مـن التـراب الاّلهـا

عزّ الله أنّـي مانسيـت أفعالهـا بنـت الحـلال .. لعـل ربـي مايجازيهـا بسـو iiأفعالهـا

أكبر جريمه ترتكبها فالهوى مـن وسـع بـال .. هـذي ضحاياهـا بقلبـي شيـدوا iiتمثالهـا

وشلون تهجرني وأنا مالي على الهجر أحتمال .. وشلون تهملني وأنا مانيب اطيق اهمالها

وشلون تقطعني بسيف البعد قطّاع الوصال .. وأنا لو أقطع عرق قلبـي ماقطعـت iiاوصالهـا

وشلـون ماتشتاق,,ماترحم,,ماتذكر,,ماتسـال .. وشلـون ماتطلـق يديـنٍ كبلـت iiبأغلالـهـا

وشلـون مايطـري عليهـا لاتفيـت فالظـلال .. متشبـثٍ لاوقفـت جنبـه قعـد بظلالـهـا

مكسور خاطر والسوال أعووووذ من ذل السوال .. ياما أنتظر من برج هاتفها يبـث iiأرسالهـا

لكنّ مال الآدمي حيله لامن الحظ مال .. الميلـه اللـي فـال ربـي خيـر لـه مـن iiفالهـا

هي افقدتني من هنا .. وأنا فقدت الاتصـال .. مـن يـوم راحـت لارسايلهـا ولا iiجوالهـا

ياقسوة الايام والحظ الـردي والاتكـال .. علـى مقولـة ( للمواقـف واللـزوم ارجالهـا ii)

يالله دخيلك من تردّاية نصيب وشين فال .. من حيرة آمـري ليـت عنـدي حيلـةٍ iiوأحتالهـا

أن أرخصت قدري وطاحت قيمتي والهجر طال .. قولولهـا تتـرك مكابرهـا وتاخـذ iiبالهـا

أنا من اللي فوق .. فوق و فوق .. فوق و عال ..عال .. تركد ويركد عمّها معها ويركد خالها

لاوصلـت للحـد هـذا لانقـاش ولاجـدال .. تبعـد وتنكـف الامـور دقاقهـا iiوجلالـهـا

لو المفارق صعب والنسيان ضرب من الخيال .. ارخاي راسـي لايـروق الهـا iiولايحلالهـا

احفظ لها قيمة غلاهـا وأنتظرهـا مـن شمـال .. وإذا نستنـي هـذي الدنيـا وهـذا حالهـا

امّا أني أنساها .. نسى الله من نسى ذاك القبال.. ياااااصبّ روحي صب دلتّها علـى iiفنجالهـا

قولولها لاستخسرت فيني ريالين أتصال.. تهـدي علـى ( جمعيـة الصـم البكـم ) جوالهـا
الشاعر
مدغم السبيعي