السلام عليكم
انا اعمل في ديوان المظالم في احد فروعه وحاب انقل منه وابي طريقه لان اغلب الموظفين يحاولون لكن رئيس المحكمة يرفض والمشكله مافي اي تعاون فهل هناك طريقه ممكن انقل فيها ياليت تفيدوني انا موظف من ثلاث سنوات داخل على الرابعه مرتبتي السادسه

في احد يرغب في العمل بالدمام المحكمة الادارية وهو يكون بالاحساء

وعليكم السلام
النقل من الدوائر الحكومية صعب في هالفترة هذه بالذات
أنا كنت في ديوان المظالم وقعدت قرابة ال6 أشهر حتى تمت الموافقة على نقلي
لكن قبل ان تطلب النقل تأكد ان المكان اللي تبي تروح له تبي ترتاح فيه لان المظالم بيئة افضل من غيره وعلاقات زينة

واذا عزمت عليك بمعالي الرئيس اليوسف جدا متفهم ومتعاون اذا لك ظروف يتساعد معك جداً
وعندك اللجنة حاول تشوف احد من القضاة وتدخل عليه بصورة شخصية
والله يكون بعونك وبالتوفيق

نفس موضوعي بس انا جبت تكليف خارج المقر داخل الديوان، مالك الا معالي النائب المطرودي أو احجز مقابله مع اليوسف وارفع اوراقك.

تجي من فوق غصب عن رئيس المحكمة حتى بدون ماتجيه معاملة إبداء رأي

اليوسف فقط لا تروح لأحد غيره
المطرودي كان في اللجنة يوم اقدم لكن يطول الموضوع باللجنة
اما اذا عن طريق اليوسف بإذن الله ينحل موضوعك علطول

اسأل مجرب
انا الان لي 5 سنوات ناقل من الديوان ربما تغيرت الاوضاع لكن انا اعطيك الحل الاسرع والافضل
انا كنت شغال في المحكمة وفعلاً ما اخذوا رأي رئيس المحكمة

اول خطوة سويتها رحت لجهة وطلبت النقل لهم واعطوني خطاب للديوان ووديته للمقر الرئيسي وسلمته لهم ودخل اللجنة مباشرة وجلس عندهم لين تمت الدراسة ولكن انا يوم انقل اغلب اللي كانوا معي رفضوا طلبهم وانا الحمد لله وافقوا عليه لاني دخلت على اليوسف واتصلت عليه كم مرة واليوسف فعلا متعاون وتعامله جدا رائع الله يوفقه

الله ييسر امورك اخوي ويسهل لك امر النقل وبالتوفيق

اتفق مع كلامك يا عزوز، انا جربت المطرودي وجاني التكليف في اقل من 5 ايام بدون مايمر على المحكمة
واليوسف قابلته وكان تكليفي بينتهي اليوم الثاني وقرار التمديد جا بنفس اليوم من مكتب معالي الرئيس بدون مايمر على المحكمة

ورئيس المحكمة يقول انت وش مسوي كيف ماجات المعامله نعطي راينا هههههههه

ماعندي ظرف معين او شي بس تعبت يوميا طريق من الاحساء للين الدمام تعبت والله
فوق هذا ثلاث سنوات مافي اي دوره او اي شي كيف بطالب بترقيه للسابعه وانا بدون اي دورات
الواحد يطمح يوصل للاعلي بسرعه
صحيح الديوان بيئه حليوه ولكن دايم بيئه العمل الطبقيه فيها مشاكل لانك تتعامل مع اشخاص هم يرون انهم افضل منك صعب التعامل
وانا شخصيا مالوم رئيس المحكمه في رفض النقل لان كثير يبون يطلعون
وش ممكن اشرح للمطرودي ويسمح لي لو اتكلف في محكمه الاحساء الي قريب تفتح ! لو في امكانية

طيب وش وضع المحاكم العامة؟ أرجوا الافادة اذا عندكم خبرة.
انا قدمت نقل خدمات والمحكمة وافقت بس الوزارة في الرياض رفضت
وقدمت مبادلة بس سلخ وظيفي لان المراتب تختلف والوزارة بعد رفضت

شباب في احد يشتغل في مبني الديوان الرئيسي ابي مدخل
عشان اطلب تكليف او نقل كلمنا رئيس المحكمه ورافض نهائيا
وابي اي شخص يعرف اي احد يفيدنا ياليت