تدري كلمات الشاعر الكبير : حمدي الرثيع

عانيت بسكآت · #1 (**permalink**) 29-10-2020, 03:18 AM

تدري وش اللي يدبل كبود الأجواد
وقلوبهم تشكي مع الوقت ســمــه
لارزو البيرق علي روس الأشهاد
واللي يطشه في الزمن كف رمه
تدري وش اللي يصلح أحوال الأولاد
ويصلحلـك أحوالكـ علي كل يمه
حفظك كتاب وكفك ليا جاد
وقلب حريص بلازم أبوه ومه
تدري وش اللي يعمي عيون الأوغاد
ويسطح كبود أهل الحسد والمذمه
لا حل ذكرك بين عـايد وعواد
وقالو شهادة رجال ذمه
تدري وش اللي لخبط أحوال الأرصاد
وضيعله أمــه بعـد ماكــانـت أمه
طريق نــكـبه بين صــادر..... وراد
طرد الهوامع لآبــســآت الأزمــه
تدري اللي مــالــهــا خــرج وشــداد
زرقــا جــفــول ومشيتها فيه زمــه
كلمه حذفــهــا خبل من دون نـشــاد
تبــعتــها وألفت عليكـ المطــمه
تدري وش اللي تطــبــخه عام ماجاد
ولو تطبخه عامين مازال دمه
قلب الحقود اللي ملين بـالاحقاد
لعل بقعا في الليالي تخــمه
تدري وش اللي يــمــضـي الوقت ماباد
ومن دون خيـره شلــت في القلب همه
جــمــيـلتكـ في كف ناكر وجحاد
تبــغــاه سـيف ولآ قضالك مهمه
تدري وش اللي يهدم صروح وأمجاد
وحول برآس العز من فوق قــمه
الــديش لآمــنه علي المجتمع ساد
وصبح يطوي في الليالي معمه
تدري وش اللي حرب لنفس وجهاد
قريع صدرك بين حذفه ولمه
سركـ لــيا حول على صدر قداد
أقرب من الساعه على رآس كــمـه
تدري وش اللي يحرجك بين الأعداد
أقرب عدد وموجه العلم يــمــه
ولدكـ لاجنب عن أسلوم الأجداد
وجرحــكـ مع خاله ولآفآد عــمه
تدري وش اللي لو رقا ماله وزاد
فقير ما شم الغنا لو يــشــمــه
لآ حل ذكر اللي لنا نور وقاد
قفا ولا صلى على خير الأمــه