السلام عليكم
انا قدمت على مكتبه جرير رحت لاقرب فرع لبيتي وعبيت نموذج وارفقت معه سيرتي دقوا علي بعدين طاقات بعد شهر و10 ايام تقريبا
قالو مقابله مبدئيه ودوره تاهيليه رحت المقابله الاولى قالو لي تجين مقابله ثانيه حضرت الثانيه وكنا المقابله الاولى 270 والمقابله الثانيه اللي حضر 70 تقريبا وقالو لنا في شواغر كثير مره بس ماعرفت كم صراحه
المهم اموري كانت كلها تمام المقابله الثانيه كانت كويسه وقالو بنتواصل معك ومحد ردوا عليه بنفس اللحظه كلهم بيتم الرد
بعد خروجي من المقابله بساعه وانا في البيت دقت وحده قالت لي حبيت ارشحك لوظيفه في مول براتب 3500 قلت لاشكرااا انا مقدمه على جرير وبعض الوظايف وانتظر رد قالت ااا والله توه جاني الرفض من جرير وحبيت ارشحك !!!!!
قلت امداهم ؟! قالت اي قلت شكرا وسكرت
ماادري حسيت السالفه ماخشت مخي كيف تدق بعد ساعه ومن طلب منها ترشحني انا ماطلبت شي
هل ممكن يكونون يتلاعبون او تبي تجيب وظيفه عن طريقها ويكون لها نسبه او نقاط
ماادري مااقول اني كامله ومستحيل انرفض لكن زي ماخشت مخي السالفه انه بظرف ساعه ردت وهم اصلا لو انرفض احد مايدقون يقولون انت انرفضت !!!
وفي بالتويتر قبل فتره جرير سوت مقابلات في طاقات وماظهرت النتايج الا بعد 3 اسابيع !!!
عندي احساس ان في غلط في الموضوع وعندي احساس ان شاء الله خير
بس احد عنده فكره الموضوع يطول بالرد على المقبولين ؟!
هل ممكن يكون في غلط بالموضوع انها مو متاكده مثلا او انها تبي تجيب وظيفه عن طريقها
خصوصا مو هي مستشارتي على قولتهم
لان في وحده جلست معي وقالت بكون مستشارتك يعني لو في احد بيرشحني فهو هي ؟!
واصلا جرير يقولون يطولون لانهم بيوظفون طاقم كامل
كم ممكن ياخذ الموضوع وقت
الله يفرج اللي يرد علي احس انهم حمسونا وعشمونا كثير يمكن عشان كذا تحمست معاهم