أنـــــــ العزوبي ــــــــا....




انا العزوبــــي واتقطـــــــع تقطـــــاع
على زواج البنت تدمع عيوني
انا العزوبي ويـــن مارحت ملتـــــــاع
زين العذارء يالعرب جننوني
اشوفهم في كل روحـــه ومرجـــــــاع
من حيث ماوليت هم عذبوني
فالبيت فالتلفاز والصـــوت مذيـــــــاع
حتى العمل ياناس مافارقوني
وليا نويت الســـوق ناوي تبضـــــــاع
اروح وارجع منخطف حيل لوني
ارجــــع وقلبـــي حايسٍ بين الاضلاع
من زود دقاته تخلع امتوني
اللـــــــــي تغنــــج فالمشـي بالـتـدلاع
واللي تناظرني بطرف(ن) فتوني
وام العيـــون السود والرمـش قطـاع
وام الجدايل والكحل بالجفونـي
وام النقاب اللـــــي تمصـع تمصــــاع
قدام عيني والبشـر يشهدونـي
كنهـا تمتـع فـــــي عذابـي تمتــــــــاع
وانا العزوبي كان ربي ف عوني
واهل الجنوز الضيقه واهل الاوساع
مدري وش اللي حدهم يلبسوني
منهـم تجرعـت المـــراره تجـــــــراع
في كل يوم يزيد همي وحزوني
لو نطلع المريخ في لحظـه وســـــاع
نلقى العوايـل قبلنـا يطلعونـي
من بعد طرح وجمع وهموم وصـراع
قررت انا اخطب بنت وانهي ظنوني
وفي ليلة الفرحه تقـول انـي مرتـــاع
ومن زود مافينـي تراقـل سنونـي
ابوهـا قـال اليـــــوم مانـي بطـمـــــاع
عندي شروط(ن) للمهر واعذرونـي
يقوم يوحـي لـي ويشــر بالاصبــــــاع
يبغي المهـر ميتيـن او يكثرونـي
يقول يبغى العرس في قصور واقـلاع
ونبغى ذهب لام العروس المزونـي
ونبغى الحلا والكيك من كـل الانـواع
تـبـون والا ياعـسـا ماتبـونـي
نـــاس ٍ تحسب البنت شروه ومبيـــاع
تبي المكاسب لو زادت ديوني
ماهمهم لـــو زاد همي والاوجـــــــاع
ماهمهم ياكود ملي البطونـي
يــــامؤمنـن بالله ساجـــــد وركــــــاع
بنتك امانه حاذر انك تخونـي
لا تعنس ابنيتك فـــي سّبت اشبــــــاع
نفسك وجمع افلوس ماينفعوني
بكره ليا جتك المنيــــه والاوجـــــــاع
تندم ولا ينفعك دمع العيونـي
الخيمه اللـي بدون عمدان وشــــراع
يمكن تطيرها الهبايب بهوني
انـــا العزوبــــــي واتسكـع تسكـــــاع

تكفون بالله يالعرب زوجوني....

م.ل

متزوج بالبطانيه
الابداع ليسا بغريب عليك
والتميز انت من يميزه

الذااااائقة الشعرية الراااائعه لايختلف عليها اثنان

سلم الذوق الراقي
والاختيار الجيمل

وصح السان كاتبها ولاهان ناقلها

دمت بخير

ولو عند بنت كان زوجتك

بس كان تبي تنتظر لين اتوظف واتزوج ويجيلي بنت
ابشر ههههههههههههههههههه


..

ابوهـا قـال اليـــــوم مانـي بطـمـــــاع
عندي شروط(ن) للمهر واعذرونـي
يقوم يوحـي لـي ويشــر بالاصبــــــاع
يبغي المهـر ميتيـن او يكثرونـي

الله يـزوجـكـ ويـزوجـنـي ويـزوجـكـ كـل عـااازب
يـاخـوي ذبـحـتـنـا الـعـزوبـيـة والاسـواق
بس الله يـخـارجـنـا

ههههههههههههههههههههههههههههههههههههههههه
الله يسعدكـ
ان شاء الله نحضر زواااجكـ
لاتستعجـــــــــل
هههههههههههههههههههههههه
الله يوووفقكـ دنيا وآآخرهـ

هههههههههههههههههههههههههههههههههه


الركادة زينة

يعطيك العافية ,,الله يرزقك بالزوجه الصالحه ويرزق جميع عزاب المنتدى بالزوجات الصالحات .....