بســم الله الرحمن الرحيـــم
سمعوا قصقتي مع الوظيفه ,,

سمعت خبر من اصدقائي ان في وظايف في وزارة الصحه في الاحساء راح عيل عمي يقدمون على هالوظيفه يوم الاربعاء وقدموا اوراقهم يعني تاكدت ان في وظايف من جد ,,

ويوم اني رحت مع ولد عمتي يوم السبت علشان اقدم اوراقي رحت طبعا شؤون الموظفين علشان اقدم اوراقي كان قبلي اثنين قدموا اورقهم وطلعوا يوم جيت اقدم اوراقي قالي مافيه وظايف رح قسم التشغيل الذاتي علشان تقدم , انا مو مطمن لكلامه رحت سالت قسم الي جنبه وقالت له في وظايف , قالي اي في وظايف وارسالني الى شؤون الموظفين طبعا انا توني طالع منه وقال لي مافيه ورحت علشان اتطمن الى مدير شؤون الموظفين وقالت له في وظايف قال لي اي فيه وظايف وقالناله ان المسئول عن التوظيف مافيه وظايف وقام مدير شؤون الموظفين وقال له ياخذ اورقنا يوم رحناله قال انا ودي اخذ اورقكم بس اخاف مايقبلونكم !!
هذا عذر !!
المشكله الي قبلنا اخذ اورقنا عندهم شهادة ابتدائي واحنا عندنا ثانويه ومعنا شهادة كمبيوتر بعد وقال لنا من طرف خشمه المهم عبينا البيانات ويوم خلصنا قالناله عطنا رقم الطلب قال مافي رقم طلب !!
فيه وظيفه مافيها رقم طلب والله يكلمنا من طرف خشمه وهو مقصوب لان مديره عطاه امر بان ياخذ اورقنا ولا عطانا رقم طلب ...
وانا متوقع ان بعد ما مشينا انه لاح اوراقنا في الزباله والله اعلم ,,

الله يعطيه العافيه مدير شؤون الموظفين لانه وقف معنا

مسئول التوظيف اسمه : عفوآ يمنع ذِكرالأسمآء
( الله لايوفقه )

السبت 1/11/1429

وين الناس تتوظف مع هالناس الي مثله ,,
ووين السعوديه تتطور مع هالناس الي مثله ,,

مالك الا الدعاء عليه

هذه المصيبة ان الامور اوكلت لغير اهلها

حسبي الله ونعم الوكيل
يقول لك : الرازق بالسما و الحاسد بالأرض
اذا لك رزق راح تأخذه غصبنا عنه
وربي يرزقك ويرزق الجميع

تلاقي شهادته ابتدائي علشان كذا بياخذ اللي شهاداتهم ابتدائية
لأنه لو أخذ تبع الثانوية راح يكونوا بيوم في مركز أفضل منه ..
والله أعلم
لكن حسبي الله ونعم الوكيل
والله إنه الحسد عيني عينك ..
مدري ليه عندنا كذا ..
البعض مايتمنوا الخير لإخوانهم ...
وكأنه بيصرف الراتب من جيبه .
يارب رحمتك

كثر من الادعيه على ذالاشكال

يا رجال هذي سواتهم الدوائر الحكومية

الرزق مكتوب ان شاء الله نتوظف