السلام عليكم و رحمة الله و بركاته
أنا مهندس كهربائي شغال مع شركة هندية خذ لي سنة فيها و الشركة هاذي هي اول شركة اتوظف فيها في حياتي. مشروعي الأول كان في الشرقية و ضليت اشتغل فيه تقريا 4 اشهر. المشروع كان جديد بديت فيه و هوا ارض فاضيه فكان المشروع فرصة لي عشان اتعلم الامور الهندسة رغم الصعوبات الي واجهتها من الهنود بأنهم ما يبغون يطلعون المعلومات الي عندهم و محاولتهم اعطائي المهمات البسيطة مثل ترتيب ملفات او عد اوراق صفحات الملف المطبوع و التاكد انه انطبع بشكل كامل ( ما فيه ورقة ناقصة). طبعا الملف يكون 300 ورقة الى 1000 ورقة.
مدير المشروع هندي من اسوء الاشخاص الي قابلتهم في حياتي دائما يتكلم وهوا رافع صوته و يتكلم بأسلوب وصخ في يوم من الايام جا و قالي ليه انت تداوم بس 8 ساعات في اليوم!! قلت له هاذا عقدي مع الشركة . قال لي لا من اليوم و رايح دوامك بيكون 14 ساعة حتى ولو ما فيه شغل لازم تجلس. طبعا رفضت كلامه و اصريت في كلامي و قلت له تبيني اداوم يوم او يومين ما عندي مشكلة اذا كان عندكم ضغط بس اني على طول اداوم لك 14 ساعة ما راح اداوم.
بعديها بشهر تقريبا اتصل علي هذا المدير و قال فيه مشروع في الرياض ابغاك تروح هناك لمدة شهر و تتعلم منه لأنه مشروعنا في بدايته و اغلب الاعمال هي للهندسة المدنية و بعد شهر بيكون الشغل كله كهرب فراح ارجعك مره ثانيه. في العقد حقي مكتوب (تلتزم الشركة بتحمل جميع مصاريف السفر و المعيشة و المصاريف النثرية للموظف في حال تكليفه بالسفر في مهمة عمل و ذلك وفق لوائح و سيايات الشركة) سئلت قسم الموارد البشرية عنها (طبا الشغال فيه هندي) و قال لي انه الشركة توفر لك سكن مشترك و مواصلات مشتركة.
رحت الرياض السكن كله هنود و ام الروايح فيه. و المواصلات سيارة كلنا نركب فيها و نروح لموقع المشروع. والله بدون مبالغة اني اذا ركبت السيارة يجي لي غثيان اول مره في حياتي اشوف نفسه من قوة الريحة
داومت اول يوم في مشروع الرياض المشروع خالص (منتهي) و لا فيه اي شيء. اليوم الثاني نفس الحالة ما في ولا شيء اسويه رحت حق مدير المشروع قلت له انت جايبني هنا عشان اتعلم بس ما في شيء هنا المشروع خالص! قام و طلع ملف بي دي اف مليان رسومات (فوق 1000 رسمه) و قال لي خذه و اقراه و تعلم منه ولا تسئلني عنهم شيء ما راح اعلمك اذا تبي ابحث في جوجل! و كل ما جيت اكلمه و اقول له شيء يقول لي انا جبتك الرياض من 7 شهور ولا تعلمت شيء
كيف تبيني اتعلم وانت ما تعطيني اي مهام و جايبني في مشروع منتهي و رافض انك توديني في مشروعي القديم او توديني مشروع جديد!
و السواق قام يتأخر علي. بعد 8 ساعات من العمل اسئل عن السواق يقول لي مدير المشروع انه مش موجود ولازم انتضره يجي و اجلس انتظر من ساعتين تقريبا فاضطريت اني اشتري سيارة بنظام تاجير عشان الوقت و عشان الروايح. و اغلب راتبي الان في الرياض يروح على مصاريفي من مأكل و مشرب و اجار سيارة
كلمت الموارد البشرية مره ثانية و رسلت له ايميل اطلب منه انه يرسل اللوائح و السياسات الداخلية للشركة لأنه اللي انا فهمته من هاذي العبارة(تلتزم الشركة بتحمل جميع مصاريف السفر و المعيشة و المصاريف النثرية للموظف في حال تكليفه بالسفر في مهمة عمل و ذلك وفق لوائح و سيايات الشركة) انه الشركة تدفع حتى قيمة الاكل
رد علي الموارد البشرية انه اي لوائح تتكلم عنهم! ما في شيء في عقدك مكتوب كذا و رسلت له هاذي العبارة مرة ثانية بصورة من العقد و الى الان ولا رد علي ولا رسل اي شيء خذ له تقريبا اسبوع و نص ولا رد.

سؤالي هنا حسب نظام العمل هل يحق لي ان اترك شغلي في الرياض و ارجع الى الشرقية حسب المادة 81
(يحق للعامل أن يترك العمل دون إشعار، مع احتفاظه بحقوقه النظامية كلها، وذلك في أي من الحالات الآتية
إذا لم يقم صاحب العمل بالوفاء بالتزاماته العقدية أو النظامية الجوهرية إزاء العامل.)

أنت قصدك تترك شغلك بالرياض وترجع لفرع الشرقية تشتغل فيه ؟؟؟؟

لان المادة 81 القصد فيها يحق لك تترك العمل كليا وحقوقك محفوظة