وحق الذي خلاني بيوم أهواك
ماغاب صوتك عن بالي ثواني
هذا أنا لاجيت أبى ألقاك ألقاك
أقصاك لوتبعد سكنت المحاني
عودت قلبي دائمآيتبع أرضاك
مذكرطلبته فيك شي وعصاني
ماشفتني يوم أكتبك وأتهجاك
ماشفتني وأشلون أجيب المعاني
وأشلون أعيش الوقت بعيون ذكراك
لحظه بلحظه بين شووق وأماني
ماشفتني يوم أتأمل سماياك
وأشلون أكابرلجل وصفك وأعاني
ياقبلة أعيون الغلا وين دنياك
والله لجيلك كان ربي أحياني
ماشفت للبسمه تعابير لولاك
وماكان للفرح بحياتي مواني
لولاالأمل ماكنت للحين وياك
ولولاالمحبه ماعرفنا نعاني
دامك تعيش بداخلي كيف بنساك
هذاالسؤال وحط نفسك مكاني
عودعلي ياروح منهو تمناك
من طول بعدك جاني اللي كفاني
شعورأحسه صدق ضايع بلياك
لاالوقت وقتي ولازماني زماني
الله عطاني محبتك يوم خلاك
تسكن خفوقي وأشهدأنه عطاني