هام لكل من يبحث عن التدريب والفرص الدراسية

البددر · #**111** (**permalink**) 26-01-2009, 06:15 PM

السلام عليكم ورحمه الله وبركاته

يااخوان وياأخوات انا خلصت بكالوريوس فيزياء بامتياز بس ماتوظفت وابي اكمل دراستي صار لي سنه ونص تقريبا وابي احد يساعدني ابي اكمل دراسه وابي احد يدلني وش اسوي وين اكمل

ترا انا بنت وهذا معرف اخوي فيا ليت احد يقولي وش اسوي

ابي الشور

واسفه على الاطاله

ملكة الأناقة · #**112** (**permalink**) 26-01-2009, 07:44 PM

مساء الخير.. أخوي كنز أنا من فترة أسأل عن دورة تدريب المدربين إذا عندك خلفية تساعدني عن مقر إقامتها إذا في بالرياض وبكم كامل تكلفتها ياليت ترد لي بأقرب وقت ممكن وجزاك الله عنا كل الجزاء

قرير العين · #**113** (**permalink**) 29-01-2009, 11:26 AM

السلام عليكم اخوي الكنز المفقود
بااارك الله فيك
ومشكوووور على المجهوووود الحلووووووو

بس انا ودي أسألك
انا طالب بكلية الهندسة الميكانيكية
ودي أسألك عن الدورات والفرص التدريبية لقسم مثل هالقسم
ووين ألقها
لأني محتاااجلها كثير ياغاااالي
وأكون لكن الشاكرين

بتلا · #**114** (**permalink**) 30-01-2009, 12:15 AM

السلام عليكم ورحمة اللله

انا جديده فيذا والله بذلت مجهود لين قدرت اكتب رد على الموضوع نفس المجهود اللي بذلته عشان القى وظيفه

اللي انا مبتلشه فيها حاليااً وجايه اسئل واتحدى احد يرد علي<<<تستفز

انا اعمل في مجال خاص بالشرطه

حابه اشوف لي دوره ترفع مستوى

الاداء والخبره وطبعا حبيب القلب(الراتب

)

والدورات للرجال كثيره بس للنساء شكلها صعبه لدرجه مستحيله بس ان احد عرف شي اودوره تتعلق بذالك لاتنسونا مستعده ادفع تكاليف الدوره

بس وين القاها في اي مكان شاروا علي ناس بجامعة نايف لكن رفضوا لأنني واحده يبون مجموعه معي وزميلات العمل لايردن

وانا اريد

سمعت ان في الرياض جمعية النهضه الظاهر تعطي دورات لموظفات الامن
بس مدري هي للحكوميات والا القطاع الخاص

بالنسبه للرابط اللي حاطينه حق بشاير المستقبل وش ايميلهم الحقيقي انا ما عرفت ارسل لهم ولا فهمت كيف اسجل فيه ابي شهاداتهم كاااااااااااااااااااااالها

يلا باااااااااي 0سيروا

محتاجة شغل · #**115** (**permalink**) 31-01-2009, 12:39 AM

انا حبيت اسال عن اي جامعه حكومية من غير رسوم تقبل خريجين عام 2001م انا عمري 26 ولكن متخرجة بعمر صغير طبعا لظروفي اشتغلت الفترة الي راحت واكتسبت خبرة بس ارغب باكمال دراستي ولا لكن للاسف لم اجد جامعه تقبلني فهل هناك جامعه من الممكن ان تقبل خريجة لها 7 سنين

مخاوي اخوة · #**116** (**permalink**) 01-02-2009, 04:32 AM

السلام عليكم
حبيت استفسر عن البعثة لحملة الدبلوم بحكم اني احمل دبلوم علاج طبيعي وكيفية الابتعاث على حساب الدولة لأكمل الدراسة
وشكرا لكم

محتاجه الوظيفه · #**117** (**permalink**) 01-02-2009, 08:56 AM

تكفووووووون جاوبني اي احد يبي يساعد يكت لي وماله الا اجر
انا بأذن الله بشهر 7 يكون تخرجي من الجامعه انا طالبه منتسبه
وعندي حاسب وسكرتاريا
وابي اي معهد اي شي يقدم دورة خدمة عملا
او اي بنك يدربني عنده بدون راتب لو خبرة 3 شهور لين اتخرج
او معهد انجليزي بالسكن يعني سكن مع اجانب عشان ناخذ اللغه لانه صعب نسافر برى
السعوديه مدري عاد هذا موجود ولا لا بس يمكن يكون موجود
ابي اي مكان اخذ عندهم تدريب بدون راتب
بنك مستشفى خطووط
تكفوون اللي يعرف لايبخل

زوجتي عاطله · #**118** (**permalink**) 02-02-2009, 01:41 AM

يعطيك العافيه... دمتم بخير,,,

عصفور · #**119** (**permalink**) 02-02-2009, 02:50 PM

أخوي يديك الف عافية حبيت أسأل عن قسم المعهد المهني اي واحد فيهم أفظل الكهربة الأنشأية أم الحاسب الالي أفيدني مشكور وجزاك الله الف خير أدخلك جنات النعيم امين