السلام عليكم
أولاً :
مبروك عليكم المكرمة أو المعونة الرمضانية ..
ثانياً :
بعد خبر أمر الملك سلمان حفظه الله بالمعونة الرمضانية
أغلب الحسابات بتويتر من صحف وكتاب ومؤثرين
نقلوا الخبر
أحزنتني الردود ما فيه أحد بارك أو كتب كلمة حلوة لمستفيدي الضمان
الي كاتبين وين المتقاعدين من المعونة
والمتزوجات يقولون ربات البيوت أولى
وكلام يسد النفس قسم بالله 😥💔
معقول الناس صارت نفوسها طفسة لدرجة حطوا عينهم على عيشة المحتاجين ؟!
معقول النفوس رخصت لدرجة الواحد بس بيشحد ويحس نفسه هو الأولى
ولا عليه من محتاج ومن ماهو محتاج أهم شي ياخذون ويكملون رفاهيتهم !!
مثل هالردود تؤثر سلباً على المحتاج لأن المسؤولين مجرد ما يشوفون موجة
هالغضب يبدون يدرسون مثل هالمعونات ويحطون تحتها ألف خط
ويلغونها من باب ما نبي مشاكل
بالذات أغلب الردود أستخدم كلمة كلنا أبناءك يا ملكنا
لؤم وخساسة وطفاسة نفوس قهرووووني 😥💔
مازعزع الضمان وأنظمته إلا الحسد والعيون الضيقة والمطالبات الي بدات من
نطالب براتب لربات البيوت !
الواحد تصيبه قشعريرة وإشمئزاز من الردود حطوا عيونهم على رزق الضعوف 😰
حسبي الله بس
للإدارة حق التصرف بالموضوع ماراح أزعل لو انحذف
كتبته وأنا متضايقة وأعتذر منكم جميعاً لو انزعجتوا منه