هذه القصيده (( الوصيه )) للشاعره الراحله ،، عابرة سبيل ..
ـــــــــــــــــــــــ رحمها الله وجميع موتى المسلمين ـــــــــــــــــــــــــــ
قصيدة مؤثرة جداً تحكي قصة زوجة وقد اقام لها اهلها عندما خرجت من المستشفي احتفال ذُبحت فيه الخراف وقد كانت تعلم بمرضها وتحّس بدنو اجلها,
وقد وجّهت هذه القصيدة لزوجها فأسأل الله ان يتولاها برحمته ووالدّي وجميع المسلمين والمسلمات




ترى الذبايح وأهلها ماتسّليني

أنا أدري إن المرض لا يمكن علاجه

أدري تبي راحتي لا يابعد عيني

حرام ما قصّرت يديك في حــــــــاجه

أخذ وصاتي وأمانه لاتبّكينــي

لو كان لك خاطرٍ ما ودي أزعاجـــه

أبيك في يديك تشهدني وتسقيني

أمانتك لا يجي جسمي بثلاجه

لف الكفن في يديك وضف رجليني

ما غيرك أحدٍ كشف حسناه واحراجه

أبيك بالخير تذكرني وتطرينـــــي

يجيرني خالقي من نار وهاجه

سامح على اللي جرى ما بينك وبيني

أيام نمشي عدل وأيام منعاجه

همي عيالي وأنا اللي فيْ كافينـي

علمهم الدين تفسيره ومنهاجه