موضوع رائــع تسلم عليـه

اقتباس:

اختار الغاليه على الجميع ..: >> الغاليـه (( عطوني برقعـي يا عوال )) " عـاطـل عـام تـرمـس .." ابيات للشاعر ..: "حـامـد زيــد ..."

أبشر بالأبيـات

يقول إبن زيد الكويتي

إي بالله أخطوا والخطا اللي جابهم عين الصواب 000 مبطي وأنا أشوف الطمع يكشف رداهم وأستره

مايملي عيون الحسود بهالزمن غير التراب 000 ومن لايتوب من الخطا تحرم عليه المعذره

اللي من أولها خراب أكيد تاليها خراب 000 والبندق اللي ماتثور في هدفها تذعره

ودك اليّا من جاتك الغلطه من الناس القراب 000 الصاحب اللي ماكسبت محبته ماتخسره

مشكلتي إني ماعرفت أحسب لصدتهم حساب 000 قلطتهم صدري على ذكرى قصيد وحنجره

صوت ٍ يصول بمنبره واخطاب مامثله خطاب 000 والطيبه اللي زعزعت صوت الخطيب ومنبره

مافيه دمع ٍ صوبوه أحبابي بوجهي وخاب 000 ولازرق حزني على غالي ولا فج انحره

كل الزهاب اللي معي ذكرى من أصحاب الزهاب 000 واللي بقالي من عذاب اشرس طريقي وأخطره

لأني تجنبت الغرق.. عديت من فوق السحاب 000 لأن أكثر أصحابي ورق..ماشفت للطيب إثمره

والله ماحطيت بين الحقدوالخوه حجاب 000 حتى غدوا ربعي يحدوني على الضيق أشكره

البارحه ثارت علي رقاب وأوتني رقاب 000 البارحه ياثقل دم البارح ويامحقره

أهب ياوجه الحسد وشلون جمعهم وغاب 000 كيف السنين اللي عطتني بعثرتهم بعثره

أثر المصايب ماتجيك إلا من الناس القراب 000 وبهالزمن حتى الخوي اللي تثق فيه أحذره

لابارك الله في رفيق ٍ تزعله كلمة عتاب 000 ولاجمع الله الرجال اللي تفرقهم مره

عوّدت نفسي كل ماشددت لليمّه ركاب 000 مأصد وجهي عن طريق إلا ليّا جبت خبره

الصاحب اللي مايجي من صحبته غير العذاب 000 نذر ٍ علي إن ماهجرني وإلا أنا اللي بـ أهجره

من يفتح لفرقاي باب أفك له عشرين باب 000 وأذا خويي مايقدر خوتي ما قدره

أن روّحوا فأنا بري منهم ليوم الحساب 000 وإن جرحوا قولوا لهم ماحركوا فيّ إشعره

شفهم لهم حول السنه ولا خذوا مني جواب 000 أحسن دوا للي يحاول يستفزك تحقره

أنا جمعت أوراقهم بكتاب وأغلقت الكتاب 000 ياوقت لم اللي تلمه وأنثر اللي تنثره

ماكنت أحاتيهم صغيّير ..عاد أحاتيهم شباب 000 إن ما أذخره لليوم الأسود ما أذخره

عقب أكتئاب البارحه ماعاد انا حمل إكتئاب 000 الطيب جرجرني وانا ماني بناقص جرجره

اللي يخاف من الظما يترك لنا طرد السراب 000 واللي ماهو بقد الظلام ووحشته لايسهره

انا تجرعت الظما لين أحترق وجهي وذاب 000 انا كسرت بخاطري قبل الصداقه تكسره

انا خسرت اللي غيابه غير عن كل الغياب 000 انا غفرت لعالم ٍ ماتستحق المغفره

انا أكثر (أنسان) تعلم من كثر ماأخطأ وأصاب 000 انا أخر (لسان) يتكلم في زمان الثرثره

انا القصيد اللي فزع من دفتره مليون ناب 000 وانا الوحيد اللي جمع مليون ناب بدفتره

جفني وجرّحه السهر ، حيلي وهدّته الصعاب 000 دمعي هدر،ضحكي ندر،عمري وضيعت أكثره

شيب بعقول العرب..هيبت روس ٍ ماتهاب 000 جمهرت ناس ٍ عمرهم مايعرفون الجمهره

ماصرت ذيب إلا لأن اللي تحدوني ذياب 000 ما كنت أغيب إلا لأن العفو عند المقدره

ترى حلاتك لاحملت لصاحبك كلمة عتاب 000 أن مانطقت بها بوجهه ماتذمه بظهره

في هالزمن مايملي عيون الحسود إلا التراب 000 والا الحظيظ.. الطلقه اللي ماتصيبه تذعره

ودك اليّا من جاتك الغلطه من الناس القراب 000 الصاحب اللي ماكسبت محبته ماتخسره



طيــب أنا أختـار (( بايسن ))

عطنا أبيات للشاعر عضيب العلوي

أبشر حموود


يقووول بركات الشمري





يمه وينك !؟
آنا بنتك .. " ضي عينك " !
شوفي وش قرب المسافة بين أهدابي وبينك !؟
بس ّ يمه أنتي وينك !؟
يمه قومي !؟
توني أصحى على الدنيا .. دخيلك لاتنومي !!
من يرتب لي الدفاتر !؟
من يبدّلي .. اهدومي !!؟
يمه بدري .. والله بدري ! آتهجّاها اهمومي !
يمه مات !
كل شي ٍ كنت أحسه " حي " في هذي الحياة !
" الأمل في رجعة الأحباب "
" صوت الأمنيات " !
وكل شي ٍ كنت أحبه ..
مر ..
ودعني ..
وفات !
طفلتك ماعشت " إحساس" الطفولة !
............. فاقده في هالزمان ... إحساسها !
شافت إن الصبح ..... ماتقدر تطوله !
............. وازفرت .. ونّه ! ورى أنفاسها !
واحضنت هالليل والورد ..... وذبوله !
............ لين مانامت ...... على كراسها !
فيه شي ٍ لو قدرت إني ....... أقوله !
............ كان شفت الناس ... حبّت ناسها !
يمه ضميني بـنام !
خايفة أبقى لحالي عايشه وسط الظلام !
عام مُرّ ..
ومر ّ عام ..
وآنا كل ليلة أتمتم : بكرى تذبح لي حمام !!
يمه وينك !؟
ماتت اللهفة بيدّي .. تنتظر لهفة يدينك !
يمه خوذيني معك ..
بس اشوفك .. واسمعك !
ودي لو أقتل بصدري هالسؤال :
يمه وينك !!؟

’’



نبي من أخينا فالله عاطل شاطر << عاطل فاهم

قصيده للشاعر فهد بن سعد الشهراني

يعطيك العافيه على الموضوع

فكـــــره جدا" حلووووووه
يعطيك العافيه يا عاطـــل الرياض

ابيات رائعة وفكرة اروع

صباااح السكــر

تسلم ع الفكـرهـ يالغالي

ومازلنا بإنتظار عاطل فاهـم