انا اشتغلت بمكان من اقل من 3 شهور ومددو لي التجربه الى 6 شهور ولم يتم تسليمي تامين طبي ولابطاقه عمل ولايوزر للعمل وكنت مقدمه على اماكن قبل اتوظف في المكان ذا جاني اتصال لمقابله والراتب بيكون في زياده تسوى ( راتبي حاليا 4 الاف ) وبعد الخصم 3600 ويجيني بونص شهري 150 تقريبا
اما الوظيفه الجديده الراتب 5067 فتره التجربه و5567 بعد التجربه هل ممكن يقبلوني وانا على راس عمل ؟ مع العلم انا ماكنت افكر اترك المكان لكن لما شفت ان الزياده والمميزات كلها افضل تحمست ولاكل القطاع الخاص يرفضون يوظفون وحده اسمها في التامينات بس انا اقدر اطلع بسرعه بدون ماتطول اجراءاتي لاني اصلا فتره التجربه وتمددت بعد
اشتغلت سابقا في مركز لمده سنه ونص ومستشفى سنه والان هذي ثالث وظيفه لي ولي فيها اقل من 3 اشهر
هل بياخذون فكره عني ولاموشرط
كيف ارد اذا قالو ليه تبين تطلعين من الوظيفه هل ينفع اقول اني ماكنت افكر بترك الوظيفه لكن لما جتني الفرصه هذي هي افضل من وضعي الان
ايش اقول للمكان اللي انا فيه اقولهم انقبلت في وظيفه ؟! وابغى اخلص اجراءاتي باسرع وقت في حال ارسلوا لي العرض الوظيفي المستشفى الجديد
وانا مب مكتوب في عقدي انه يحق لي انهاء فتره التجربه مكتوب يحق لصاحب العمل

وانا متخوفه اطلع لاني مدري كيف المكان اللي بروح له خصوصا انه المكان اللي انا فيه عرفوني وعرفتهم والبيئه زينه بس ممكن بعد يطلعوني لاني فتره تجربه ومددوها لي وحتى الراتب قليل مايسوى علي

ع حسب علمي دام انك بفترة تجربه تقدري تنهي العقد بدون اي ضرر عليك بس المشكلة الي بتواجهك امكن باخلاء الطرف يماطلونك فيها اذا عرفو انك مقدمه ع وظيفه ثانيه

الحل من وجهة نظري قدمي استقاله ودوري الافضل لك

الله يوفقك