جميع خريجين المحاسبة يتفضلووون ... !!!

محاسبة معدل 4 · #1 (**permalink**) 20-02-2007, 03:52 AM

السلام عليكم ورحمة الله وبركاته
..
.
.

كيفكم شباب وبنات طيبين
..
..
..
.

ندخل في الموضوع ابي من خلال هالموضوع كل واحد محاسب يدخل ويذكر من اي مدينه وكم عمره ووش شهادته وكم معدله وووش المواد الي درسها في هذا المجال ( المحاسبة )) ...
والي يدخل ويقرا الموضوع بس ولا يرد ترى في ذمته .........

......

ببداء انا اول واحد /

المدينة الرياض ....... العمر 22 سنة ............ الشهادة الجامعية المتوسطة ( دبلوم عالي ) ............. من الكلية التقنية ............. المعدل 3.85 من 5 .... جيد جدا ...

المواد الي درستها /

1- محاسبة مالية 1 .

2- مقدمة في الاحصاء .

3- مقدمة في الاقتصاد .

4- لغة انجليزية عامة .

5- لغة انجليزية تخصصية 1 .

6- لغة انجليزية تخصصية 2 .

7- محاسبة مالية 2 .

8- محاسبة حكومية .

9- مقدمة في ادارة الاعمال .

10- سكرتارية .

11- السلوك الوظيفي ومهارات الاتصال .

12- مقدمة في الحاسب .

13- تقارير مالية بالغة الانجليزية .

14- محاسبة منشات مالية 00 محاسبة البنوك .

15- محاسبة شركات الاموال .

16- محاسبة شركات الاشخاص .

17- تقافة اسلامية 1 .

18- ثقافة اسلامية 2.

19 - لغة عربية .

20- محاسبة الزكاة والدخل .

21- محاسبة التكاليف .

22- الجداول الالكترونية المتخصصة .

23- استخدام الحاسب الالي في المحاسبة .

24- مراجعة ومراقبة داخلية .

25- رياضيات تخصصية .

26- التدريب التعاوني (( التطبيق وهو عبارة عن ترم كامل )) ...

وقبل الختام عندي مسابقة حلوة للمحاسبيين فقط نوسع صدورنا بهااا وهي القيود اليومية يعني كل واحد يحط القيد الي مايعرفه وكيف يقفله والي يقدر يجاوب يجاوب ...

وانا ببدء اول واحد من يقدر يقولي كيف تقفل الديون المشكوك في تحصيلها ويعطيني مثااال ..

وكيف يقفل الديون المعدومه ويعطيني مثال عليهااا .....

.

المحاسبة · #2 (**permalink**) 21-02-2007, 05:07 AM

داخلة بسرعة احسب عندك وظايف لنا
الله يصلحك وين تبيني اتذكر مواد درستها وتراكم عليها الغبار

انا متخرجة لي سنتين ونص
جامعة الملك سعود
جيد جدا

سعوديةفخرآل جود · #3 (**permalink**) 21-02-2007, 06:32 AM

ياسلام وإلي مو محاسبه وش يسوي

ظلم انا أحتج على هالعنصريه

.........

بس عناد راح أجاوب

أنا متخرجه هالسنه بكاريوس من كليه التربيه

قسم الأقتصاد المنزلي
بتقدير ممتاز الا شؤي <<<

يعنى اقل من نسبه وحده عن الممتاز

واما المواد فعد وأغلط
وش اتذكر وش اخلي
.........
يله سهلوا لعبتكم علشان نلعب كلنا

..
.

عاطل مبسوط · #4 (**permalink**) 21-02-2007, 11:49 AM

المدينة / الرياض
العمر/ 24
بكالورويس محاسبة من جامعة الملك سعود
معدل3
حالياً محاسب بأحد الجهات الحكومية (بس بديت معكم وانا عاطل !!)

طيب نجي للقيد..

أول شي أنت سؤالك يذكرني بسؤال الدكاتره (الحاقدين) واللي يبغون يرسبون الطالب غصب حتى لو فاهم

الديون المشكوك فيها ما شكوا فيها الا وانهم بيحطون مخصص صح والا لا ؟؟

يعني بيكون اكيد هناك مخصص الديون المشكوك فيها ..

الا اذاكانوا يبغون يحملونها على المصروف مباشرة ! بدون مخصص

خلنا نفترض انهم بيخصصون مبلغ عبارة عن نسبة من المدينين ماشي ؟

وصار الواجب تخصيصه 30 الف من الديون المشكوك فيها ..

بيكون قيد التخصيص :

30.000من ح/ مخصص الديون المشكوك فيها

30.000لى ح/ المدينين

افترض طيب انه واحد من المديني يطلبونه 10 الاف والمدين هذا فطس!!

وورثته مهوب مسددين(جحدات )!!

وقررت الشركة اعدام دينه....

بيكون اعدام الدين بالتخفيض من حساب المخصص

وبيكون القيد :

10.000من ح/ مصروفات الديون المشكوك فيها

10.000إلى ح / مخصص الديون المشكوك فيها

طيب كم بيكون عندنا الحين المتبقي في المخصص راح يكون 20 الف

طيب خلنا نقفل أول شي المصروف راح يقفل في حساب المتاجره والأرباح والخسائر آخر السنة.

بيكون قيد الإقفال :

10.000من ح/ مصروف الديون.
10.000الى ح ألأرباح والخسائر .

ولو كان المصروف أكثر من المخصص راح يكون الإقفال:

عكس القيد السابق .

طبعاً سواء مع وجود مخصص أو مع عدم وجود مخصص راح يكون ألأرباح والخسائر داين ..

داري ان فاشل في الشرح ...بس الحمدلله ما اخترت اصير مدرس

عاطل مبسوط · #5 (**permalink**) 21-02-2007, 12:34 PM

على فكره اذا كان كلامي صحيح لإارجو انك تضغط على المربع بتاع التقييم اللي فيه صح وغلط

أبو زياد · #6 (**permalink**) 21-02-2007, 04:54 PM

آسف آسف كل الأسف على نقلي لهذا الموضوع..
ولكني أرى بأن مكانه ليس استراحة العاطل.
أعتقد بأن هذا المنتدى هو مكانه الصحيح..
إذا في نقلي له أي خطأ أرجو من مشرف القسم نقله إلى مكانه الصحيح.
أكرر إعتذاري من صاحب الموضوع.. وشكراً

عاطل مبسوط · #7 (**permalink**) 21-02-2007, 05:16 PM

ههههه قلبت روسكم الأقسام ..الله لا يلومكم...

أعتقدأن محله الإستراحة لعدة أسباب:

1- الأكثرية (الزورا والأعضاء) في الإستراحة .

2- موضوع الأصل فيه(((( التعارف )))..بس شكل ردي حوله الى مهني فسامحني ياكاتب الموضوع .

3- نبغى المحاسبين يتجمعون هنا ...لأني عاف ما راح نجمعهم في القسم الآخر

أبو زياد · #8 (**permalink**) 22-02-2007, 12:08 AM

عاطل مبسوط.. هلا بك يالغالي..
بصراحة إذا الموضوع تعارف فكلامك سليم.. بس شفت ان السالفة كلها شهادات قلت خلني انحاش واصرف الموضوع قبل يسألوني سؤال وأروح فيها. خبرك ماوصلنا للمحاسبة والله.
والرأي الآن لمشرف القسم. إذا شاف إن مكان الموضوع هذا الإستراحة على عيني وراسي وأحطكم انتم وموضوعكم فوق راسي والله. بس يحذف ردي علشان لايسوي شوشرة على الباقين.
تسلم والله..

ادور وظيفة · #9 (**permalink**) 22-02-2007, 03:44 AM

محاسبة معدل كيفك
نفس المواد اللي درستها انت درستها انا والمعدل 2.85
وتقبل تحياتي ام القيود والله ناسيها

محاسبة معدل 4 · #10 (**permalink**) 22-02-2007, 06:03 AM

اقتباس:

المشاركة الأصلية كتبت بواسطة مطفر بعد الوظيفة

آسف آسف كل الأسف على نقلي لهذا الموضوع..
ولكني أرى بأن مكانه ليس استراحة العاطل.
أعتقد بأن هذا المنتدى هو مكانه الصحيح..
إذا في نقلي له أي خطأ أرجو من مشرف القسم نقله إلى مكانه الصحيح.
أكرر إعتذاري من صاحب الموضوع.. وشكراً

حياك اخوووي وخذ راااحتك ...............

.