السلام عليكم ورحمة الله وبركاته
أسألكم اذا احد يعرف احد يعطي سكن للأيتام
الان انا بحاجه ماسة إلى سكن الان كنت عايشة بيت وورثه ببعون البيت خلاص الان انا اختي بحاجه سكن ومن عارف وين نروح
الا يعرف جهه او رجل أعمال او شخص يعطي ؟لا يبخل على اختكم محتاجه مساعدكم
الله يفرجها عليكم ارشدوني وربي لايحرمكم الاجر

عندك اطفال او لا ذي ما بلغتك اطلعي للامارة وقدمي وهما يساعدوكي وضبطي معروضك وربنا يكرمك ويفرحك

هلا وغلا
الله يكون بالعون
اهل الخير موجودين لكن اذا تم تصعيد الموضوع اعلاميا
عموما هناك التقديم على الاماره مثل ماقال اخونا
و جمعية الايتام
وجميع الجمعيات الخيريه وكذلك التقديم على مدير الأوقاف ولوعلى باب الادراه وتسليمه الاستدعاء
وزيارة مخيم الاسكان وشرح الحاله لهم
بالنسبه للامارة لابد من مقابلة سمو الأمير شخصيا وتسليمه الاستدعاء وعدم تسليم الاستدعاء لأي موظف اخر لأن الأمير اذا تعرف على الحاله فلن يقصر ابدا وهذا ماعهدناه منهم دائما

قلبي معكم ويتألم والله

__________________
لااله الا انت سبحانك اني كنت من الظالمين .. استغفر الله العظيم
اللهم احفظ بلادنا وولاة امرنا وأمدهم بالصحه والعافيه
ان غبت يوما فتذكروني بدعوة صادقه وان اسأت او اخطأت بحقكم فكونوا كرماء
دخول للمنتدى قليل والمعذره

اذا اهلك من دمك ولحمك مافكرو بيك فلا تترجين خير لا من جهات حكومية ولا جهات خيربه ولا من رجال اعمال ، حلك الوحيد انك تعترضين على البيع واذا انك سويتي وكاله عامه لاحد اهلك بانهاء الميراث انك تلغينه بشكل فوري وتجلسين تماطلين معهم واذا حضرتي عند الشيخ تتكلمين وتقلوين انك راح تبقين بالشارع ومعاملتكم بتاخذ بالمحاكم سنين طويله وهي ما انتهت طبعا انتي المستفيده كونك باقيه بالبيت ولا مرمطه الشوارع وانا متاسف للكلمه هذة ( اذلال نفسك للي يسوى والي مايسوى )

شكرا لكم على ردكم وقتراحكم ومشاعركم الطيبة ربي يسعدكم جميعا .
شكرا اخوي الراعي المجتهد واخوي محمد البلادي وشكرا اخوي تواصوا بالحق وشكرا اخوي خال .2020..
الله فرج همكم ويسر امركم ويفتح لكم ابواب الخير يارب ..
انا قبل ازمة كورونا لفت الجمعيات الخيرية ما طلعت بشى ..
والجمعيات الخيرية ماقبلون في حالتنا لان الجمعيات الخيرية تقبل الطفل منذ ولادوته الى عمر 18 سنه بالنسبه للولد
والبنت من عمر منذالولاته الى عمر 24 سنه فقط فوق 24 مايقبلون هذه سبب والسبب الثاني لا انا عندي راتب الضمان ووراتب التامينات ورثه معنه نفس الراتب ومستحيل قبلوا في الجمعيات ..
بنسبة مدير الاوقاف يحتاج اعرف وين مكانهم واحاول ابحث واسال ..
بالنسبة الامارة ما عرف كيف طرقتهم وبحاول اسال ايضا يمكن نطلع بنتجه واروح لهم
يليت تفيدوني بطريقة المعروض اذا فيه نموذج شاكر لكم ..
بالنسبة جود لاسكان لزم تكويين مستاجر شقه بعد تقدم على الطلب ..
وجالسه احاول بكل الطرق واجهاد نفس لعله اطلع بشي

الورثه حقها ما اقدر امنعهم وانا مريضه وتعبنا ماريدهم يدعون على خليهم يخذون حقهم مافيه اليد حيله ..
الموضوع سنتين ناقش ومشاكل لايعلم فيه الا رب العالمين خلاص الان هم ببيعون وانتهى الموضوع ..
ربي لايحرمكم الاجر يارب
وجزاكم الله خير
دعواتكم

بالنسبه للجمعيات فسوف ترغمهم الاماره بقبول حالتكم وهذه ليست المره الأولى فاذا عرضت المشكله على الاماره وان الجمعيه لاتقبل الحاله فسيصدر امر
بالنسبه للاستدعاء تفضلي وأضيفي عليه كما شئتي او الغي اي كلمات لاتعجبك وقومي باكمال النقاط التي هي باللون الاحمر

صاحب السمو الملكي امير منطقة 0000000 حفظه الله ورعاه
السلام عليكم ورحمة الله وبركاته
اتقدم لسموكم الكريم وبه افيدكم بأنني احدى المواطنات السعوديات وقد توفي والدي وأصبحت يتيمه مكسورة الأجنحه وليس لي بعدالله احد يرعاني انا وأختي وحيث ان والدي ترك منزلا لنا متهالكا مع مجموعة من الورثه ولايساوي الا القليل
ومنذوا سنتين وبدأت المشاكل بيننا كأخوه وأخوات فالكل يريد بيع هذا البيت لأخذ نصيبه دون مراعاة لظروفنا وخاصة انا وأختي وسوف يلقى بنا للشارع وبدون مأوى
سمو الامير
المرض والفقر والهموم أصابنا من المصير المجهول الذي ينتظرنا واصبح ملازما لنا
الجمعيات الخيريه رفضت قبولنا
الاسكان لم ينظر الينا
الى اين نذهب
اعرض مشكلتي لسموكم الكريم بعدما اغلقت الأبواب بوجهي واعلم جيدا انني امام قلب ومسئول يحن على اخوانه وأخواته من المواطنين
اطلب من الله ثم من سموكم الكريم مخاطبة من يهمه الأمر من الاوقاف والاسكان والجهات المسئوله بأيوائنا وكذلك مخاطبة الجمعية بقبول حالتنا حفظكم الله ورعاكم وجعل ذلك بميزان حسناتكم
مقدمته |0000000
رقم الهويه |00000
رقم الجوال|000000
مايجب عليك فعله
تسليم الاستدعاء للأمير شخصيا وافهام الموظفات انك ترغبين بمقابلة سموه الكريم

فالك التوفيق ربي يسعدك