قصيدة اعجبتني احببت ان انقلها لكـــــم راجيا ان تعجبـــــكم

سر ياقلم مالي على الصبر طاقه=صبر تعدى الحد ماعاد ينطاق
اكتب لمثلي قصته واشتياقـــــه=في خطك الواضح على بيض الاوراق
قصة حزين صافي المر ذاقــــه=اليا ذكر ماصار له خاطره ضاق
باقو به الاصحاب والوقت باقــه=واصبح ضحيه مابين بايق وبواق
يمشي وهو ماحس في كسر ساقه=امسي على ساقين واصبح على ساق
وهذي سوات الوقت شين اصطفاقه=الوقت لو يصفيلك ايام دراق
ان شان قطع معك كل العلاقــــــه=وان زان خلالك مع الناس عشاق
ومن شان معه الوقت قلو رفاقــــه=وراحت حياته كلها هم واقلاق
والله خلق خلق تحب اللباقــــــه=كما خلق له خلق ماعندها اخلاق
احدن يعيش بخير واحدن بفاقـــه=واحدن يعيق ايام وايام ينعاق
واحدن معه حكمه وصبر ورواقه=سبحان منهو للمخاليق خلاق
لاكن يامن معك عقل ولباقـــــه=ابنصحك كانك للامثال تشتاق
لاتنخدع باهل العلوم الرقاقـــه=اللي سوالفهم توهق توهاق
صادق رجال يعرفون الصداقه=يقفون صفك يوم يبسات الارياق
ومن رغب في فرقاك ارغب فراقه=جاز اللذي يجزيك بفراق..بفراق
وتعلم التعشيق قبل السواقــــه=لاتحسب انك بالدرقسون سواق
ورزقك يجيك بدون تحضر بطاقه=عند الله المعبود تقسيم الارزاق
يقوله اللي جاير الوقت عاقــــه=ولازال في غيبوبة الهم مافاق

ابيات في قمة الروعه والابداع
صح لسانك
في أنتظار جديدك
تحياتي

يسلمووو على هالابيات الجميلة

لاتنخدع باهل العلوم الرقاقـــه=اللي سوالفهم توهق توهاق

حي القصيد اللي تجيبه وحياك

هاذه لك{{ياعديم اليأس}}

صح نقلك
وياكثر ماسار القلم يكتب طلبات التوظيف الاستمارات

راعية الابل
بسكويــــته
حزن الوطن
العاطلات الثلاث
شــــاكر مـــروركم الطيب والابداع تواجدكم والأخت حزن الفرح هذه القصيده للشاعر الراحل بندر بن سرور العتيبي اعجبتني ونقلتها لكم

بندر بن سرور غني عن التعريف

قصيده رأأأأأااااآآآئعه

لا هنت على الطرح المميز

لا تحرمنا جديدك يالغالي ,,

متزوج بالبطانيه شـــــاكر مرورك الطيب وان شاء الله ما ننحرم من تواجدك الطيب وتقبل تحياتي