الأسى مني تمكن والحزن فيني دفين

هدوءء · #1 (**permalink**) 16-12-2008, 03:44 AM

فؤاد مجروح

أصابته الدنيا بالهموم و الجروح

فإلتجأ إلى ربه ودعاه

إنها آهات وزفرات

أبعثها من

حنايا روحي لكم احبائي

:: :: :: ::

الأسى مني تمكن والحزن فيني دفين ::: والليالي جرعتني همها وأحزانها

دارت الدنيا علي وعشت بالدنيا حزين ::: وأشعلت في وسط روحي جمرها ونيرانها

أخفي أحزاني عساها في جبيني ماتبين ::: وأكتم العبرة وأشد خطامها وعنانها

حالتي تشكى على الله منجرح مثل السجين ::: والسعادة في حياتي منهدم بنيانها

في حنايا الروح جرح وفي حناياها حنين ::: والمدامع فوق خدي سيلت غدرانها

وألتفت أبحث وأدور من يسار ومن يمين ::: السعادة من يدل الروح عن عنوانها

والله أللي راد يرسل لي قبل موتي عوين ::: رحمة الله في طريقي فتحت بيبانها

واختفى إبليس اللعين وصرت مرفوع الجبين ::: يوم زاد بوسط روحي مستوى إيمانها

بعد ماكان الرخيص أغلى علي من الثمين ::: صرت أبي جنات ربي روحها وريحانها

الله أللي دلني مولاي هو نعم المعين ::: رحمة الله من بغاها ما تهاون شانها

بعد ما كان الرخيص أغلى علي من الثمين ::: صرت أبي جنات ربي روحها وريحانها

يا سميع و يا مجيب بكل وقت وكل حين ::: رد الأمة للصراط بشيبها وشبانها

يا إلهي بك نلوذ وبك نعوذ ونستعين ::: لا ذكرناك الحنايا تشتعل ضيانها

:: :: :: ::

كلمات للمنشد :: أبو يزيد

:: :: :: ::

الشعر والنثر