28-12-2008, 10:29 PM
|
عضو متواصل
|
|
تاريخ التسجيل: Nov 2008
المشاركات: 52
معدل تقييم المستوى: 33
|
|
اقتباس:
المشاركة الأصلية كتبت بواسطة سعودي عاطل للاسف
صباح الخير
اخوي بالنسبه للعمل عن طريق النت هذا امر صعب شوي
بس بقولك من خلال تجربتي مع الدخل عن طريق الانترنت
انا صاحب ثلاث مواقع والحمد لله ماشي حالها
يعني تدخل علي حدود 2000 الى 2500 بالشهر
بس صدقني ياخوي اني تعبت وشقيت وتبهذلت لين اشهرتهم
والان يبي لي سنتين قدام عشان اطلع راس المال اللي دفعت فيهم
اذا مازاد الدخل عن 2000 او 2500 شهريا
ولاتنسى ان الدخل الشهري هذا بثلاث مواقع كلها مو بموقع واحد
واكيد بتقولي كيف تدخل هالمبلغ
اقولك عن طريق بنرات اعلانيه بالصفحه الرئيسيه او بالمنتدى
هذا بالنسبه لو انشئت موقع
فيه شغله ثانيه اشتغلتها وجلست يمكن 6 شهور بس وصدع راسي وتركتها
اللي هي استضافه وتصميم المواقع
هي مربحه ودخلها حلو الناس اللي تشتغل صح وشغاله ونشيطه
توصل حدود 7 الى 10 الاف شهريا
بس يبي لك ناس شغاله مو كسوله ومتهاونه
انا تركتها لسبب كثرة الازعاجات والاتصالات سوا عن طريق الجوال او الايميل
يعني يجيك صاحب موقع مبتدئ بالنت ولا يعرف شي ولو يشوف شي تافهه بالموقع اما بسبب اتصاله او احد قايله وش فيه الموقع بطئ او اي شي تافهه ولا يحتاج اتصال
تلاقيه يصحيك من نومك يتصل ويدق ويرسل رسائل كان الموقع مهكر
وبالاخير يطلع شي تافهه وبالاساس مو عطل بالموقع
والشي الثاني واكيد كثير من اصحاب شركات الاستضافه واجهوه
اللي يجيك ويطلب موقع ويدفع لك النص وياخذ التصميم ولايدفع النص الثاني
كذا انت تخسر وتدفع من جيبك للموظفين اللي عندك
يعني انا اشوف الانسان اللي باله وسيع وعزابي وقت مادق الجوال صحى
يشتغل هالشغله وله مني اجاوبه على كل استفساراته لين يقتنع بالشغله ويطلع عليها ويفهمها
والله يوفق الجميع
|
مشكور أخوي على سرد تجربتك وكلا الشغلتين بغض النظر عن تعبها يبغى لها خبرة
تحياتي لك
|
العرض العادي
