السلام عليكم ورحمة الله وبركاته

(موضوعي عن اعادة الخدمة في قطاع الحرس الوطني وخطوات اعادة الخدمة بالتفصيل)

اولاً / تروح لمقر العمل الي كنت تداوم فيه وتطلب منهم يرفعون لك معاملة اعادة خدمة وراح يبدون معك بالاجراءات وعلى ماتخلص المعاملة من مقر عملك تاخذ لها تقريبا 15 يوم وتروح للوزارة.

ثانياً / يرسلون معاملة اعادة الخدمة لوزارة الحرس الوطني من مقر عملك وهي جاهزه كامل فيها كل الاوراق وتاخذ في الوزارة تقريباً شهرين.

ثالثاً / بعد ماتنتهي معاملة اعادة الخدمة من الوزارة ترسل للتجنيد التجنيد بيتواصلون وتقريباً تاخذ شهر ويرسلون لك رسالة فيها موعد الكشف الطبي.

رابعاً / الكشف الطبي بتتوجه للتجنيد ومن هناك تخلص الطول الوزن وتسلم شهادة الدورة الفرد الاساس والمؤهل الدراسي ويعطونك ورقة العمده والشيخ عشان اذا طلعت النتيجه تسلمهم ورقة العمده والشيخ جاهزه بعد ماتنتهي من الكشف الطبي تحسب ثلاثين يوم من غير جمعه وسبت ايام عمل وتطلع نتيجة الفحص.

خامساً / يتواصلون معك التجنيد تتوجه لهم وتسلمهم ورقة العمده والشيخ وورقة حساب الايبان البنكي وتوقع على بعض اوراق وتبصم.

سادساً / قرار التعيين ومباشرة العمل ياخذ من شهر لشهرين يتواصلون التجنيد معك وتروح لهم تاخذ القرار وتعرف في اي مدينة ووحدة راح تباشر عملك.



هذا يا شباب الي صار معي بالضبط في معاملة اعادة خدمتي العسكرية .


مهم جداً :-

يا شباب بالنسبة للفترات الي هي شهر او شهرين في تحرك المعاملة انا كتبت الي حصل معي ولاهو شرط تصير على كل شخص واي معاملة ممكن تكون الفتره اقل او اكثر وانا كتبت الموضوع ذا لشرح الخطوات الي تبدأ فيها معاملة اعادة الخدمة اللي عليك انت تتابع المعاملة وتستفسر عنها وهاذي لقطاع الحرس الوطني فقط القطاعات الثانية ماعرف كيف نظامهم ومو شرط نفس الخطوات والله يوفقك الجميع ويسهل امورهم .

الله يعطيك العافيه والله لنا الحين 21 يوم من سوينا التحليل والله يسهل الامور