السلام عليكم ورحمه الله وبركاته

انا اشوف اغلب الاعضاء يقولون انه حساب المواطن يحسب كامل بعتباره دخل غير مكتسب لاكن النظام يقول


3- تحتسب مبالغ الدعم والإعانات الحكومية ضمن الدخل الشهري للمستفيد باعتباره دخلاً غير مكتسب، وذلك عن طريق تقسيم إجمالي المبالغ على اثني عشر شهراً.

يعني اظن انه يقسم المبلغ على 12 مو يحسب كامل يعني مثال واحد يجيه راتب تقاعدي ( فرضا انه دخل مكتسب) لاني ماني عارف التقاعدي للوريث او الارمله تعتبر دخل مكتسب او غير مكتسب راتب زوجها التقاعدي لاكن فرضا انه مكتسب

نقول راتبه 3000 يخصم نصفه 1500 حساب المواطن 400 نقسمه على 12 = 33 تقريبا

يعني دخله الشهري 1533 ريال والحد المانع 1100 يعني لايستحق ؟!

هذا حسبه

-----------
الحسبه الثانيه

لاكن اذا كان راتب الوريث التقاعدي وهذا يشمل الارامل والبنات والمعاقين وكبار السن يعتبر دخل غير مكتسب

ف يقسم على 12 يصير

3000 \ 12 = 250 ريال وحساب المواطن زي ماقلت فوق 33 ريال المجموع

283 ريال هذا الدخل الشهري

حسبه المعاش تكون تنقيص الدخل الشهري من الحد المانع الي هو 1100 للشخص الواحد

يصير 1100 ناقص 283 = 817 ريال هذا المعاش حق الضمان

-------------

انتم ايش رايكم ايش الحسبه الصحيحه حسب النظام الجديد تتوقعون ؟

احس الحسبه الثانيه بعيده كل البعد عن الصواب
حتى الاولى حساب المواطن ممكن ينخصم كامل او النصف
اذ قسموه على 12 رحمه
بس ما اتوقع

والله ماعاد ندري تعبنا واحنا نبحث ونحسب ونسال ولحد درى عنا

اتوقع والعلم عند الله انه يخصم حساب الموطن كامل من اللي عندهم وظائف لانه هم يدخلو الضمان تحسين وضع فقط ام الغير موظفين لا

لانه لو اخصموه من الجميع بيكون ظلم ع اهل الضمان


ويااارب يكون توقعي صح

طيب ومكافات الطلاب ليش يخصمو منها حرام عليهم

تم الاستفسار عن دخل التقاعد بالنسبه للارامل والمعاقين وكبار السن وكان الرد انه دخل غير مكتسب وهذا الرد

(( دخل التقاعد من التامينات او من التقاعد يعتبر من ضمن الدخل الغير مكتسب ))

يعني باذن الله الحسبه الثانيه هي الصحيحه ان شاء الله خير

3- تحتسب مبالغ الدعم والإعانات الحكومية ضمن الدخل الشهري للمستفيد باعتباره دخلاً غير مكتسب، وذلك عن طريق*تقسيم إجمالي المبالغ على اثني عشر شهراً.

أفسرها لكم التفسير الصحيح
يعني يحسبوا إجمالي مبالغ الدعم والإعانات الحكومية مثل حساب المواطن حقت السنة كاملة اللي سبق تقديمك أو إنتقالك على نظام الضمان المطور ويقسموها على 12
والناتج يعتبر دخلك الشهري
ودخل غير مكتسب مايحسبوا نصه بل يحسبوه كامل
أما لو كان يعتبروه مكتسب فيخصموا نصفه
الخلاصة (أي دخل من التقاعد أو حساب المواطن أو ريف أو حافز ..إلخ) ينحسب كامل
مثال إنت إستلمت حساب مواطن خلال السنة اللي سبقت التقديم 6000 ريال يقسموها على 12 يطلع الناتج 500 بالشهر هذي يحسبوها دخل غير مكتسب يحسب كاملا.

ابداً مالهم حق بحساب المواطن ولامكافأة الطلاب
الغريب
ان الوزاره بحالة صمت ولا تجيب على استفسارات الناس
وبعض الحسابات بتويتر وغيره مستغله الوضع
يصرحون ويفتون من رأسهم
حقيقي فوووووضى