السلام عليكم ورحمة الله وبركاته..

أخواتي بنات المنتدى أنا من جدة وأنا كنت مقدمة على وظيفة شركة أرتك وبالفعل أنقبلت بس تركت الوظيفة لأنه عيبها دوامها طويل من 8إلى 5 العصر ولازم توقيع عقد لمدة سنة وشهرين"تدريب" وسنتين عمل،يعني 3 سنين وشهرين إجباري تكوني معاهم..

وهذي تفاصيل الوظيفة:
هي عبارة عن شركة آرتك للبلاط،،وعندهم 3 أقسام :1ـ تصميم،2ـ تسويق،3ـمحاسبة..
وطبعاً إذا أنقبلت عندهم راح يدرسونك الثلاثة الأقسام كلها يعني حتدرسي تصميم"فلاش،فوتوشوب...إلخ"وحتدرسي تسويق وكمان محاسبة وبعدين يشوفوا أنتي في أي قسم أفضل ويحطوكي فيه، وزي ما قلت لكم التدريب راح يكون سنة وشهرين ويدونك مكافأة شهرية 1500 ريال،،وبعدها الراتب حيبدأ من 3500 ريال،،أما بالنسبة للإختلاط فراح يكون مع مدير القسم النسائي"يعني تروحي تقدمي شغلك له ووقت الإجتماعات راح تكون معاه ومن هذا القبيل" بس النساء لهم مكاتب منفصلة طبعاً..وبس هذا كل اللي أتذكره الآن وأي سؤال أنا حاضرة..والله يوفقكم للي فيه الخير يارب..لاتنسوني من دعائكم بأني الاقي الوظيفة اللي تناسبني..

ينقل للقسم المخصص

شكرا لك

__________________
ومن يعمل من الصالحات وهو مؤمن فلا يخاف ظلما ولا هضما

جزااك الله خير

فعلآ كثير من البنآت يستفسرون عنهآ

الله يعطيك العافيه اختي بس كيف كانت المقابله معهم وهل فيه اختبار ولا لا؟؟؟
والف شكر اختي مقدما

الله يعطيكم العافيه
بس ياليت تزودونا بوسائل الاتصال والايميل الرسمي للشركه
وجزاكم الله خير

لابد من التعقيد

بالتوفيق ان شاااااااااااااااااااااء الله

هلا والله بالجميع..
بالنسبة للأخت عاااااطلة ما كان فيه إختبار بس مقابلة مع مهندس من الشركة يعني أسئلة عادية زي أي مقابلة "إيش مؤهلاتك،وإيش مهاراتك،فين تشوفي نفسك أكثر في أي قسم،لو توظفتي عندنا تقدري تتحملي ضغوط الشغل،طيب لو أتزوجتي حتسيبي الشغل "لأنه العقد لازم 3 سنين وشهرين"،الدوام لازم يكون منضبط مافيه تأخير ومن ذا الكلام"إن شاء الله أكون قدرت أديكي صورة واضحة عن المقابلة وأي سؤال أنا برسم الخدمة إن شاء الله..

أختي محاسبة عاطلة ،،آسفة ماعندي وسائل إتصال ،،أنا اتصلوا هما علي عن طريق المنتدى العربي للتوظيف بجدة وأظن أخذوا رقمي من الغرفة التجارية والله يوفق الجميع..