قالت لي...( ياشاعر...؟!)
قلت...سمي...
آمريني
قالت لي...(سولف...!)
قلت...أسولف...؟!
قالت...( إيه )
قلت...أسولف...؟! ويش أقول...؟!
قالت...(اللي في خيالك...! )
قلت...واجد...!
قالت...( أسمع...بس قول...! )
قلت...أحبك...!!
قالت...( آها )
قلت...بس
قالت...( الواجد صفى بكلمة أحبك...؟! )
قلت...يووووه..!!
قالت... ( أيش...؟! )
قلت...لوتدرين عن كلمة أحبك...
كان هالقلب الصغيّر في وسط صدرك يذوب...!)
قالت...( أوووووف...!
إنت من جدك تكلم....!!أو كذا الشاعر...كذوب...؟! )
قلت...ياملح البنات...
أشتهي سكر نبات...!!
في شفاتك حب توت...!!
لوتعرفين الغرام
كان ماقلتي كذا...
ولاتركتيني أموت
بس عادات البنات...ياكذوبٍ...يالعوب...!!
قالت...( أوووووه...
هن كذا كل البنات...؟!
نظرتك مرّة صغيرة...!!
وحكمك القاسي ... كبير
والبنات ضعيّفات...
قلوبهن داااايم صغار...
تمتلي شوية عواطف...وحلم مدري كيف صاير
دايم يسموه وردي...!
وضحكةٍ فيها ألم
وإنتظار...
وأُمنيات...
وودي تسمح لي أقولك
إنت جاهل بالبنات...!!
صحح النظرة شوي...
ليش تتكبر عليهم...؟! إنت ياعمري ضعيّف...
ومثلهم قلبك رهيّف...
ويمكن أفكارك شتات...!!)
قلت...والله شيء ممكن...!!
ناظرتني...وضحكت...
قالت...( أدري بك تتريق...
وما يهم...خذ راحتك...!!
بس صدقني عزيزي...
ماهنا فرقٍ كبير...
كلنا نبقى بشر...
لاعيال...ولابنات...! )
قلت...يعني قصدك أيش...؟!
قالت...( أقصد شيء واحد...
الهوى يبغى ثبات...
أنت وافي في غرامك...؟!
أنت صادق في كلامك...؟!
ياالله جاوبني بصراحة...!
لوكذا...
فعلاً أحبك...
خذ من أشواقي بحر...
خذ حنان...
خذ غلا يجري نهر...
بس لاتبخل علي
مثل ماتاخذ مشاعر
خذ بكيفك...لين تشبع...
بس هات...!! )
قلت...ياالله...
يا أنتي حكيمة...
قالت...( إسكت...
الهوى ماهو قصيد...
وكلمة إبداع وحروف...
الهوى ملعون أبو...
الهوى ياخذ عقول...ولايقول
الهوى يذّوب قلوب...
الهوى يشقي سعيد...
الهوى ياشاعري....
الهوى ياشاعري...
الهوى ياشاعري...!! )
ثم سكتت...!!
قلت...هاه..
كملي ياأحلى البنات...
وشفت دمعتها على الخد أقبلت...
قلت...آسف...
قالت...( لا...
لاتأسف...
ذي من دموع الهوى...
ماهيب منك...
الهوى لازم هو اللي ينحني لي...
وايتأسف...
أنت مالك ذنب...
أنت مثلي...
الهوى يبقى العدو...للرجال...وللبنات...!!)
قلت...طيب كملي...
الهوى ياشاعري...
الهوى ياشاعري...
الهوى ياشاعري...
كمليها...!!
الهوى أيش...؟!
ماتت الدمعة بمنديلٍ رمادي...
وناظرتني...
ثم قالت...
( الهوى ياشاعري...
قول...وفعل...!! )
قلت...ياالله الثبات...!



من أكثر القصيد اللي أحبهاااا

( ل عبدالكريم المهنا _

الله رووووووووعة
من جد انتي رووووعة
يعطيك الف عافية حبيبتي

مبدع عبدالكريم المهنا

وانتي رائعه وذوق رفيع اختي

لله درك على حسن الاختيار
نتابع حروف قلمك بشغف

تحياتي لشخصك الكريم

مشكورة
يا ذوق

على النقل المميز

الله يعطيك العافيه على النقل الرآآآااأأأأئع

لاهنتي

تسلمي ياشموخ هلى الكلمات الرائعه

قصيدة مميزه
يعطيك العافيه

الله يعطيك الف عااااافيه على
النقل الجميل

تقبلي مروري