السلام عليكم

والله الصدر ضايق من قراراهم اللي مافيه منه فوايد

الالف هذي محتاجينها ومتخاسرين علينا الالف

المطلقة اللي من اسرة ضمانية المفروض تكون زي المطلقة اللي بدون اسرة ضمانية كلهم مطلقات ومحتاجين

ماتكون تابع وينزل بحسابها الخاص

اتمنى الكل نتكاتف ونرفع هاشتاق بتويتر نبي كل المطلقات بلا استثناء ينزلها بحسابها الخاص ماتكون تابع

والله يبشرنا بفرج قريب ويفرحونا جميعا ويراجعون قرارهم عن المطلقات نفس النظام القديم مع زيادة لهم

وعليكم السلام
ياهلا
الحال وانا اختك من بعضه
قبل كم يوم تعبت على حس هالنظام
والله العظيم كتمه وضيق نفس
اخذت يومين تعبانه
اتوقع هالنظام احد اهم اهدافه
تخفيف العبء عليهم بـ أي طريقة كانت
انا من يوم سجلت قبل ازمة كورونا
سألتني الموظفه
انتي ايش مؤهلك قبل تأخذ اي معلومه مني
وافادتني انه في نظام جديد راح يُطبق
ولازم تبحثي عن عمل
الواضح انه نظام مدروس
وكانوا يشتغلوا عليه من فتره
لذلك صعب انهم يتراجعوا
بس ممكن يعدلوا ويستثنوا
مانقول الا الله يسخرهم لنا ويصلح الحال

وعليكم السلام
أقسم بالله فيني ضيقه ودايم أفكر وشلون أدبر مصاريف المدرسه والأكل والشرب حتى الخضار أرتفع سعره أفكر بالنت وشلون أسدده وربي أني أبكي غصب من الهم والتفكير يخصمون حساب المواطن باأي حق والمطلقات والمعاقين وكبار السن يطلبون منهم الاستقلاليه باأي حق صرنا تحت تحت تحت خط الفقر وقريت تصريح الوكيل يوم يقول أقل من الاختياجات الاساسيه فيه ظلم وطغيان أكثر من كذا حسبي الله ونعم الوكيل

الحمدلله على الاقل انتوا احسن منا، انا معاقه ومو من اسره ضمانيه رغم ان حالتهم الماديه جدا ضعيفه وفي حالتي حسب مايقولون إسقاط تام عكس المطلقه،ياخيتي انا ماعندي غير يد وحده سليمه ومع العمر والتركيز عليها لأنها الوحيده الي تخدمني بفضل الله أربعين سنه تدهورت حتى هذي السليمه وصرت اخاف استخدمها لان اي جهد بسيط صارت تدهور وبرضوا صار عندي مشاكل بفقرات رقبه العمود الفقري أيضا بسبب تشوه عظام الرقبه بسبب الاعاقه والجهد وتم تحذيري من الدكتوره من اي مجهود بسيط ، والمشكله يبوني استقل كيف استقل بيد مشلوله والثانيه ضعيفه!!

وأعتقد اليتيمات نفس وضعي، عموما مدام الله معنا فلا تخافين يدبرها برحمته، برحمته دخلنا الضمان من الأساس وبتضل رحمته تحيطنا معه وبدونه

__________________
لااله الا انت سبحانك اني كنت من الظالمين .. استغفر الله العظيم
اللهم احفظ بلادنا وولاة امرنا وأمدهم بالصحه والعافيه
ان غبت يوما فتذكروني بدعوة صادقه وان اسأت او اخطأت بحقكم فكونوا كرماء
دخول للمنتدى قليل والمعذره