|
لاتغّرك ضحكتي يـوم انـي ارخيـت اللثامـه
جيت لك من نجد أبارك لك طلوعك بالسلامـه
,,,,,,,,,,,,جيت في يديني ورود اهدي سلامـي والتحيـه
جيت يحداني شعـور ورغبـةٍ فـوق الملامـه
,,,,,,,,,,,,جيت لك ياصاح والدمعه على رمشـي اهنيـه
لاتسلني عن شعوري والخبـر فـور استلامـه
,,,,,,,,,,,,يعلم الله كيف كانـت وقـع هالصدمـه عليـه
صارت الدنيا بعينـي مثـل هاليـل وظلامـه
,,,,,,,,,,,,والرياض بناسهـا صـارت مثـل دارٍ خليـه
وجيت لك فـي ديـار مافيهـا اذان ولااقامـه
,,,,,,,,,,,,ولاارتيـاح ولاطمأنينـه ولاحـتـى حمـيـه
جيت لك والجرح لاابطى ينزف استعصى التئامه
,,,,,,,,,,,,والجروح الي سبب فرقـاك فـي قلبـي نديـه
صاحبي والحر مثلك لوعنـا هالوقـت ضامـه
,,,,,,,,,,,,ماخبرته غير مثل السيف يمضـي بكـل هيـه
لاجل عينك بانفض غبار الزعل واكسر قوامـه
,,,,,,,,,,,,ولاجل عينك مأهاب الحـزن وبحـوره عتيـه
وجّيتي ماهيب ضعف ولاهـي هـدرٍ للكرامـه
,,,,,,,,,,,,بس ماودي اكـون ليـا قسـى وقتـك رديـه
انت ياللي فارضٍ مثلي علـى الكـل احترامـه
,,,,,,,,,,,,بهيبتـه وطيـب مبـداه و يمـنـاه النـديـه
لاتغّرك ضحكتي يـوم انـي ارخيـت اللثامـه
,,,,,,,,,,,,وانت تعرفني ليا جاالحـق مانـي بااجوديـه
ابك والله انك وسيـم ان كـان ردت للوسامـه
,,,,,,,,,,,,بس حظك يوم قصّر يالشنب وش فـي يديـه
ودام طيبك يستثيـر القـاف ويشـد اهتمامـه
,,,,,,,,,,,,والهواجس في خفوقي كانها ضـرب ابرديـه
لك علي اوصلـك فالشعـر لاطـراف الغمامـه
,,,,,,,,,,,,ولي عليك تسخّر القيفان لـي مادمـت حيـه
ازمـه وعـدّت وبـاذن الله ترجـع بالسلامـه
,,,,,,,,,,,,ولاتشوف الشر فـي دنيـاك وايامـك هنيـه
لـ الشاعره : بياض
|
18-12-2008, 01:20 AM
العرض العادي
