تدرون ليش العالم ينظر للسعودي بأنه ماعنده رومنسية
اولا لان بعض الناس اللي احنا نشوفهم مثلنا الاعلى فالرمنسية نحن نشحذ منهم زي اللبنانيين
كل يوم اشوف واحد سعودي شاد عفشه ورايح على لبنان او سوريا وهذا الشي اللي خلاهم ينظرون للسعوي انة محتاج للحب والرمنسية وان هذا الشخص محروم من الحب ويتصورون في بالهم انهم ماخذين القمة فالحب
واحنا نتأثرين طبعآ بالأفلام المصرية والمسلسلات التركية والمصرية لأنه اذا قلبنا على بعض القنوات السعودية مانشوف غير النياق والغنم
كيف ماتبغاهم يتكلمون فالرومنسية؟؟؟؟؟؟؟

ياليت تفرقون بين الرومنسيه والحب

مثال للتوضيح فقط

عندما تبكي زوجتك فتمسح انت دمعتها >>هذه رومنسيه

عندما تبكي انت لاانها بكت >> هذا حب

الرومنسيه موقف وردة فعل

وليست حياه ومحبه,, وانما تصرف وردة فعل

وربي اغلب ردود البنات مايفرقن بين الحب والرومنسيه هههههههههههه

السعوديين كثير منهم مايبين حبه لزوجته او خته امه.. الا بعدموتها.. يتبرع لها وغيره.. يندم على مامضى وتقصيره..

اذا جينا للرومانسية.. واسلوب التعامل.. والتعبير عن الحب.. فيه حب لكن مافيه اسلوب للتعبير..
وماينلام الشاب.. حياته مايعرف عن الحب واسلوب التعامل (( وهو صغير يتصارع مع عيال عمه.. وكبر شوي صار يركض بالشارع وره الكوره وكبر وصار كل ماكن ينطرد منه ممنوع عائلات..مافيه الا القهاوي .. بالبيت نادر يجلس فيه.. واذا جلس مايشوف اي نوع من الرومانسية بين امه وابوه..ومايسمع الا فلان جيب امك من المستشفى ودي ااختك للسوق.. والابو مكشر عليه)) وفجأة يطالب يكون رومانسي بحركاته وكلماته..ونظراته.. وصوته>>> هي اصعب شئ..

المسأله ماهي تعقيد.. المرأة كائن عاطفي.. تهتم بالعبارات.. والكلمات.. والورد.. العطور..رسالة جوال بكلمتين(( احبك موت)) تكفيهاوماتكلفك الا25 هللة..

يعني بعضهم مساكين.. اذا خبرها زوجها انه بيجونه اصدقاءه.. تروح تطبخ وتتفنن لهم.. وتوقف بالساعات مقابل شئ بسيط كم كلمة حلوه يقولها الزوج المصون. يخلصون الاصدقاء ويطلعون.. تنتظر الزوجه زوجها ماتسمع الا تسكير الباب خارج.. تظل على امل يجي بعد المشوار ويقولها كلمة حلوه.. يجي ساكت.. تروح تسأله شرايك بالاكل.. ومن داخلها كلها شوق لكلمة حلوه.. الاجابة تجي الاكل مثل وجهك..

للجميع.. بنات وشباب.. واخص الشباب ..ادخلوا دورات عن الحياة الزوجية قبل الزواج

خريجة حاسب

اعانك الله وازل همك الواضح انك وقعتي في تجربة سيئة وترا اصابعك ماهى سوا

--------------------------------

الرومنسية موجودة بس مين تستاهلها

الرومنسية والحب عند البنات السعوديات السوق و الحفلات

وطبعا الا من رحم ربي

انا ابصم بالعشره يوجد بنات قمه في الرومنسية والحب والحنان وكذالك الشباب

انا شفت رد لبعض البنات وكأنهم يحملون الشباب المسؤولية كاملة وهذا غلط
الزوجة تتحمل جزء من المشكلة لانها ماتشجع زوجها على هذا الشئ وللاسف اغلب الزوجات تستحي ان تقول كلام حلو لزوجها حتى بعد مرور سنوات على زواجهم
ولو الشباب السعودي مثل ماتقولون مايعرف الرومانسية اذا كيف نفسر كثرة رواد منتديات التعارف من السعودية ؟؟

ماحب التعميم بس اكيد فيه شباب رومنسين وفيه العكس جلوف:o
بس فيه شباب يعتبرون الرومانسيه ضعف وقله رجوله يحاولون يخفونها خاصه امام الناس
وفيه شباب مايعرفون وش الرومانسيه قلوبهم حجروياخذون الرومانسيه قناع للوصول الى غرض شخصي

اولا ... أحترم وجهات نظر كل من كتب بهالموضوع ...

ولكن من وجهة نظري هنااااااااااااك الكثير من الشباب الرومنسي والمحب ... بإخلاص وصدق

بالنسبة لي والله إن أبوي أعتبره رومنسي ... وحبيب .. يعني ولله الحمد ما أدخل البيت ولا أطلع إلا ويبوسني ويقولي كلام يرد الروح أقسم بالله بعض الأوقات أنحرج ... وكمان لما يشوفني أبكي إني أحس إنه بيموت من الحزن ويبكي معي الله يطول بعمره

وكمان أخواني صح فيهم شدة بس بجد لما نحكي مع بعض والله أنواع الكلام الحلو .. والأسلوب الرائع ... بس لا يخلوا من اللقافة والمطاققة والمزح ...

وأنا أشوف فيه شباب كثيرين فيهم رومنسية بس على حسب البيئة اللي هو فيها ...

طبعا أنا أعجبني رد بعض الشباب وحسيت إنهم فاهمين بدون تحديد أسماء .,, وهذا يدل على رقي فكرهم ورومنسيتهم

ثانيا / .. وهذا الأهم إننا بمجتمع البنت تخاف تظهر رومنسيتها والشاب كمان

لأن فيه تحفظات وخوف من النقد ... وأنا من وجهت نظري لو ينكسر حاجز الخوف من النقد راح تنفجر أنواع الرومنسية اللي وأحلف بالله ماهي في لبناني ولا غيره ...

وأنا بصراحة ما يعجبني غير الشاب السعودي مهما كان .. وصار

والشاب السعودي رائع ولكن ينقصة بعض الثقافة الزوجية وكمان البنت بنفس الطريقة ..

وأنا شفت برنامج بالإم بي سي ... برناج آدم ... طرح هيك موضوع وأعجبني الدكتور اللي كان حاضر ...

فعرضوا بعض الألعاب الزوجية اللي بدأت بالإنتشار بالأونة الأخيرة التي تكسر الحواجز بين الزوجين ..

وأنا أرى إنه فعلا تساعد في التقرب وكسر حاجر النقد والخجل بين الزوجين ...

وهذ شيء حلال لأن الله أحل الزواج وكل شيء بين الزوجين أنا أعتبره حلال إلا ما حرمه الله فلا داعي للخجل والنقد كي يكون هناك أسرة سعيدة وحياة ناجحة

وكمان البنت لها دور كبير بإظهار ما يحمل الرجل من رومنسية ... مع إحترامي للبنات هناك بنات والله زي الصخر لما يكون معها زوجها ويبدي رومنسيته هي بالله كيف يكون رومنسي بجو زي كذا ....؟؟؟؟؟!!!!!!!!!!!!!!!!

ومن وجهة نظري الأخيرة لابد من تقارب بالأفكار بين أي طرفين كي يكون هناك تبادل صحيح للمشاعر وإستقبال أجمل ..

تحياااااااااااااااااااااااتي